Мабільная версія
ДЗЯРЖОРГАНЫ

Апошнія навіны
Усе навіны

Медальернае мастацтва майстроў Латвіі прадставяць у Мінску

Культура 20.11.2019 | 11:23
Фота з архіва
Фота з архіва

20 лістапада, Мінск /Кар. БЕЛТА/. Выстава па выніках XVI Латвійскага трыенале медальернага мастацтва адкрываецца сёння ў Нацыянальным гістарычным музеі Беларусі, паведамілі БЕЛТА ва ўстанове.

"Выстава арыгінальная і незвычайная ў многіх сэнсах. Па-першае, гэта праект, задуманы для Латвіі, які на працягу ўсяго часу яго правядзення (а гэта амаль паўстагоддзя) ніколі не пакідаў межаў гэтай краіны. Па-другое, перад мінскім гледачом разгорнута ледзь ці не першая за апошнія некалькі дзесяцігоддзяў выстава медалёў, дзе можна ўбачыць творы больш як двух дзясяткаў замежных аўтараў", - расказалі ў музеі.

Выстава прадстаўляе работы латвійскіх медальераў за апошнія тры гады. У ёй прымаюць удзел 24 аўтары з 76 работамі. Сярод іх члены Міжнароднай федэрацыі медальернага мастацтва FIDEM: Андрыс Берзіньш, Гіртс Бурвіс, Вія Дзінтарэ, Лігіта Францкевіча, Мара Міцкевіча, Інэсе Натрыні, а таксама пяць студэнтаў аддзялення скульптуры Латвійскай акадэміі мастацтваў.

Традыцыя медальернага трыенале ў Латвіі пачалася ў 1973 годзе. Натхняльнікам і арганізатарам першай рэспубліканскай выставы медалёў была скульптар і медальер Валянціна Зейле, якая дала гэтаму віду пластычнага мастацтва новае дыханне. З'яўляючыся ўжо больш як паўстагоддзя парыжанкай, яна рэгулярна прысылае свае творы для трыенале. На гэтай выставе прадстаўлены яе медаль "Ян Сібеліус".

Выстава будзе працаваць па 12 снежня. Праект арганізаваны пры падтрымцы пасольства Латвіі ў Беларусі.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Час стаць прыкметным! У асенне-зімовы перыяд у цёмны час сутак традыцыйна павялічваецца колькасць ДТЗ з удзелам пешаходаў і веласіпедыстаў.