30 красавіка, Мінск /Кар. БЕЛТА/. Выставу жывапісу, графікі, скульптуры, дэкаратыўна-прыкладнога мастацтва беларускіх мастакоў ХХ-XXI стагоддзяў "Мастак на вайне. Мастак пра вайну. Мастак пасля вайны", прымеркаваную да 80-годдзя Перамогі ў Вялікай Айчыннай вайне, прадставілі ў Нацыянальным мастацкім музеі, перадае карэспандэнт БЕЛТА.
Усе творы мастацтва, прадстаўленыя ў экспазіцыі, - са збору Нацыянальнага мастацкага музея, фонды якога з'яўляюцца выяўленчым летапісам ваеннага і пасляваеннага часу. Цэнтральнай фігурай праекта стала асоба мастака з яго ўласным поглядам на ваенныя падзеі і пасляваенны час, аўтарскім расказам пра Вялікую Айчынную вайну і Перамогу, дзе перапляліся ўражанні мастакоў-відавочцаў, якія прайшлі фронт, успаміны мастакоў, чыё дзяцінства прыпала на ваенныя гады, успрыманне падзей вайны мастакамі, хто ведаў пра яе толькі з расказаў.
Генеральны дырэктар Нацыянальнага мастацкага музея Ганна Конанава заўважыла, што гэты год прысвечаны сакральнай для нашага народа даце - юбілею Вялікай Перамогі. Усе мерапрыемствы натхнёны гэтым вялікім святам. "Мастацтва аб вайне і Вялікай Перамозе сведчыць пра вялікі дух беларускага народа. Творы мастакоў, многія з якіх прайшлі фронт, складаюць генетычны і культурны код нашай нацыі і народа. На жаль, сёння ў сусветным парадку дня мы часцей сутыкаемся з адменай культуры і падменай памяці. У гэтым тоіцца вельмі вялікая небяспека страты памяці аб перамозе, аб пакаленні пераможцаў", - дадала яна.
"На выставе вы ўбачыце хваляванне, сілу і моц у творах беларускіх мастакоў. Яны не пакінуць вашы душы абыякавымі. Гэта закране кожнае сэрца", - заўважыла Ганна Конанава.
На думку намесніка старшыні Беларускага саюза мастакоў Наталлі Шаранговіч, выстава стане цудоўнай магчымасцю ўбачыць многія незнаёмыя работы любімых мастакоў. "Беларускі саюз мастакоў быў створаны ў 1938 годзе, а літаральна праз некалькі гадоў пачалася Вялікая Айчынная вайна. Неяк мы вырашылі падлічыць, колькі мастакоў прайшло вайну, паднялі ўсе асабістыя справы нашых мастакоў-ветэранаў. Для нас гэта лічба аказалася вялікай - 155 чалавек. Можна сказаць, што большасць членаў саюза пакінулі свае пэндзлі і фарбы і пайшлі ваяваць", - сказала яна.
На яе думку, тэма вайны, гераізму і болю хвалявала кожнага члена Беларускага саюза мастакоў. Асабліва значнай яна была ў пасляваенныя гады. Многія мастакі прыйшлі ў мастацтва як дзеці вайны. "Пазнаёміўшыся з іх работамі, вы зразумееце, чаму ваенныя і пасляваенныя пакаленні заўсёды ўдзялялі гэтай тэме столькі ўвагі. Вы ўбачыце сапраўдны ген жыцця, барацьбы, перамогі, супраціўлення, што аказваў беларускі народ", - рэзюмавала Наталля Шаранговіч.
Экспазіцыя будзе працаваць да 14 ліпеня.-0-
Усе творы мастацтва, прадстаўленыя ў экспазіцыі, - са збору Нацыянальнага мастацкага музея, фонды якога з'яўляюцца выяўленчым летапісам ваеннага і пасляваеннага часу. Цэнтральнай фігурай праекта стала асоба мастака з яго ўласным поглядам на ваенныя падзеі і пасляваенны час, аўтарскім расказам пра Вялікую Айчынную вайну і Перамогу, дзе перапляліся ўражанні мастакоў-відавочцаў, якія прайшлі фронт, успаміны мастакоў, чыё дзяцінства прыпала на ваенныя гады, успрыманне падзей вайны мастакамі, хто ведаў пра яе толькі з расказаў.
Генеральны дырэктар Нацыянальнага мастацкага музея Ганна Конанава заўважыла, што гэты год прысвечаны сакральнай для нашага народа даце - юбілею Вялікай Перамогі. Усе мерапрыемствы натхнёны гэтым вялікім святам. "Мастацтва аб вайне і Вялікай Перамозе сведчыць пра вялікі дух беларускага народа. Творы мастакоў, многія з якіх прайшлі фронт, складаюць генетычны і культурны код нашай нацыі і народа. На жаль, сёння ў сусветным парадку дня мы часцей сутыкаемся з адменай культуры і падменай памяці. У гэтым тоіцца вельмі вялікая небяспека страты памяці аб перамозе, аб пакаленні пераможцаў", - дадала яна.
"На выставе вы ўбачыце хваляванне, сілу і моц у творах беларускіх мастакоў. Яны не пакінуць вашы душы абыякавымі. Гэта закране кожнае сэрца", - заўважыла Ганна Конанава.
На думку намесніка старшыні Беларускага саюза мастакоў Наталлі Шаранговіч, выстава стане цудоўнай магчымасцю ўбачыць многія незнаёмыя работы любімых мастакоў. "Беларускі саюз мастакоў быў створаны ў 1938 годзе, а літаральна праз некалькі гадоў пачалася Вялікая Айчынная вайна. Неяк мы вырашылі падлічыць, колькі мастакоў прайшло вайну, паднялі ўсе асабістыя справы нашых мастакоў-ветэранаў. Для нас гэта лічба аказалася вялікай - 155 чалавек. Можна сказаць, што большасць членаў саюза пакінулі свае пэндзлі і фарбы і пайшлі ваяваць", - сказала яна.
На яе думку, тэма вайны, гераізму і болю хвалявала кожнага члена Беларускага саюза мастакоў. Асабліва значнай яна была ў пасляваенныя гады. Многія мастакі прыйшлі ў мастацтва як дзеці вайны. "Пазнаёміўшыся з іх работамі, вы зразумееце, чаму ваенныя і пасляваенныя пакаленні заўсёды ўдзялялі гэтай тэме столькі ўвагі. Вы ўбачыце сапраўдны ген жыцця, барацьбы, перамогі, супраціўлення, што аказваў беларускі народ", - рэзюмавала Наталля Шаранговіч.
Экспазіцыя будзе працаваць да 14 ліпеня.-0-
Падпісвайцеся на нас у
