Сцяг Чацвер, 25 красавіка 2024
Усе навіны
Усе навіны
Культура
02 сакавіка 2023, 16:19

Маркевіч аб кінанавінках, міжнародным супрацоўніцтве і ацэнцы галіны

2 сакавіка, Гомель /Кар. БЕЛТА/. На сустрэчы з калектывам Гомельскага дзяржаўнага цырка міністр культуры Анатоль Маркевіч абазначыў асноўныя арыенціры развіцця галіны, перадае карэспандэнт БЕЛТА.

Кіраўнік ведамства сустрэўся 2 сакавіка з калектывам Гомельскага дзяржаўнага цырка і праінфармаваў аб развіцці сферы культуры ў сучасных умовах.

Анатоль Маркевіч падкрэсліў, што ў цэлым за дасягненні ў галіне культуры ў 2022 годзе не сорамна. "Агульная карціна дастойная, зрэшты, ёсць над чым працаваць, што развіваць і да чаго імкнуцца. Сфера эвалюцыйна развіваецца", - сказаў ён. Так, за 2022 год было прыцягнута больш за Br175,5 млн пазабюджэтных паступленняў з тэмпам росту 26 працэнтаў. За кошт гэтага магчымы стымулюючыя выплаты для работнікаў калектываў. Замежным партнёрам было аказана паслуг на $7,8 млн, ільвіная доля ў гэтым паказчыку - галіновых устаноў адукацыі.

Паводле слоў міністра культуры, для галіны няма дробных пытанняў. Напрыклад, актуальна таксама тэма перасовачных комплексаў для аддаленых населеных пунктаў, дзе няма клубаў. Яны павінны ўключаць усё неабходнае абсталяванне: сцэна, асвятленне, гукавое суправаджэнне для арганізацыі культурных мерапрыемстваў пад адкрытым небам.

Таксама на сустрэчы прагучала пытанне аб тым, ці неабходны ў Беларусі яшчэ адзін цырк. Нагадаем, у краіне два цыркі - у Мінску і Гомелі. Паводле ацэнкі Мінкульта, для бліжэйшай перспектывы гэта дачасная тэма. Зрэшты, галіна займаецца ўмацаваннем базы і інфраструктуры. Цяпер падышлі да аднаўлення будаўніцтва на пляцоўках так званых даўгабудаў. У прыватнасці, размова ішла аб установе мастацкага профілю.

У Беларусі ў 2022 годзе выпусцілі больш за дзясятак кінакарцін. "Важна ствараць моцныя запамінальныя сцэнарыі. У бягучым годзе працуем над карцінай па падзеях 1920-1930-х гадоў, паказваем іх праз мастацкае афармленне. Пачалі "Чорны замак Альшанскі" паводле У.Караткевіча. Гэта будзе сучасная карціна, спадзяюся на цікавасць гледача. Таксама завяршылі работу над фільмам "За паўгадзіны да вясны" пра кіраўніка легендарнага ансамбля "Песняры", - анансаваў Анатоль Маркевіч.

Нягледзячы на рыторыку асобных краін і правакацыі па знешнім контуры, на гэты год пастаўлены амбіцыйныя задачы і па міжнародным супрацоўніцтве. "У свеце больш за дзве сотні краін. Паверце, наш вопыт будзе цікавы многім. Нам ёсць куды рухацца, ёсць чым падзяліцца, што прапанаваць гледачам. Магчымасці і дасягненні сферы культуры Беларусі павінны ведаць у свеце", - падкрэсліў міністр культуры. Паводле яго слоў, у мінулым годзе Дні культуры Беларусі прайшлі ў Маскве, Казані. Заўсёды ў рэжыме анлайн на сувязі з Кітаем.

"Сфера культуры прызначана абуджаць пачуцці, павышаць эмацыянальны і адукацыйны ўзровень. Людзі павінны з задавальненнем наведваць нашы ўстановы. Важна, каб мерапрыемствы былі яркімі, маляўнічымі і паспяховымі, зараджалі пазітыўнай энергетыкай. Напрыклад, не магу не ўспомніць тыя дзіцячыя ўсмешкі, якімі свяціліся твары юных гледачоў на юбілейным паказе Гомельскага дзяржаўнага цырка. Гэта дарагога варта", - рэзюмаваў міністр культуры.

Анатоль Маркевіч таксама сустрэнецца сёння з калектывамі Гомельскага абласнога драматычнага тэатра, а таксама лялечнага тэатра.-0-

Падпісвайцеся на нас у
Twitter
Топ-навіны
Свежыя навіны Беларусі