ДЗЯРЖОРГАНЫДЗЯРЖОРГАНЫ
Флаг Аўторак, 7 лютага 2023
Мінск -7°C
Усе навіны
Усе навіны
Культура
18 кастрычніка 2022, 11:06

Марафон бесперапыннага чытання Якуба Коласа ўпершыню пройдзе ў БДУ

Фота з архіва
Фота з архіва

18 кастрычніка, Мінск /Кар. БЕЛТА/. Флэшмоб бесперапыннага чытання Якуба Коласа ўпершыню пройдзе 3 лістапада ў БДУ. Акцыя "Коласаўскі марафон. Новая зямля. На стрыме" прымеркавана да 140-годдзя з дня нараджэння народнага паэта Беларусі. Мерапрыемства накіравана на папулярызацыю беларускай культуры, захаванне і развіццё нацыянальных літаратурных традыцый. Аб гэтым БЕЛТА паведамілі ў прэс-службе ВНУ.

"На працягу шасці з паловай гадзін удзельнікі флэш-мобу будуць перадаваць эстафету адзін аднаму ў чытанні галоўнага твора Якуба Коласа "Новая зямля". Урыўкі з паэмы агучаць студэнты, выкладчыкі і супрацоўнікі ВНУ. Кожны з іх пакажа сваё майстэрства ў дэкламаванні і выразным чытанні. Мяркуецца, што за абазначаны час удзельнікі цалкам прачытаюць паэму", - расказалі ў прэс-службе.

Асаблівасцю флэш-мобу стане яго прамая анлайн-трансляцыя на Youtube-канале.

Да ўдзелу запрашаюцца ўсе жадаючыя супрацоўнікі і студэнты БДУ. Для гэтага трэба прайсці папярэднюю рэгістрацыю.

Арганізатарам марафону чытання выступае Фундаментальная бібліятэка БДУ.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі