Фота з архіва
27 сакавіка, Мінск /Кар. БЕЛТА/. ХІ Адкрыты конкурс юных выканаўцаў эстраднай песні "Маладзечна-2025" пройдзе ў Маладзечне з 29 па 30 сакавіка. Аб гэтым карэспандэнту БЕЛТА расказалі ў адміністрацыі Палаца культуры горада Маладзечна.
"У конкурсе прымуць удзел 74 удзельнікі чатырох узроставых катэгорый - 6-9, 10-12, 13-15 і 16-18 гадоў - з розных гарадоў Беларусі. Удзельнікі прыедуць з Мінска, Магілёва, Брэста, Гомеля, Маладзечна, Баранавіч, Жодзіна, Вілейкі, Заслаўя, Оршы і іншых", - расказалі ва ўстанове.
Першы этап конкурсу ў анлайн-фармаце прайшоў у лютым, на яго было пададзена больш за 170 заявак. "У адборачным туры сваю творчасць прадэманстравалі вакалісты з Расіі. Удзельнікі з Чарапаўца (з'яўляецца пабрацімам горада Маладзечна. - Заўвага БЕЛТА) і Невеля мы чакаем і на наступны конкурс. Яны, як і беларускія ўдзельнікі, пакажуць па два нумары: адну лірычную песню беларускага аўтара і другую на іх асабісты выбар, якая дапаможа найбольш ярка раскрыць патэнцыял выканаўцы", - расказалі ў Палацы культуры.
Пераможцаў, якіх вызначаць у кожнай узроставай катэгорыі, запросяць на трэці тур конкурсу. "Ён пройдзе ў рамках Нацыянальнага фестывалю беларускай песні і паэзіі "Маладзечна-2025". Сярод гэтых удзельнікаў вызначаць лепшага выканаўцу, які і атрымае Гран-пры і прыз імя Алега Елісеенкава", - адзначылі ва ўстанове культуры.
Мастацкі кіраўнік конкурсу юных выканаўцаў эстраднай песні "Маладзічок" - старшыня ГА "Беларускі саюз кампазітараў" Алена Атрашкевіч.-0-
"У конкурсе прымуць удзел 74 удзельнікі чатырох узроставых катэгорый - 6-9, 10-12, 13-15 і 16-18 гадоў - з розных гарадоў Беларусі. Удзельнікі прыедуць з Мінска, Магілёва, Брэста, Гомеля, Маладзечна, Баранавіч, Жодзіна, Вілейкі, Заслаўя, Оршы і іншых", - расказалі ва ўстанове.
Першы этап конкурсу ў анлайн-фармаце прайшоў у лютым, на яго было пададзена больш за 170 заявак. "У адборачным туры сваю творчасць прадэманстравалі вакалісты з Расіі. Удзельнікі з Чарапаўца (з'яўляецца пабрацімам горада Маладзечна. - Заўвага БЕЛТА) і Невеля мы чакаем і на наступны конкурс. Яны, як і беларускія ўдзельнікі, пакажуць па два нумары: адну лірычную песню беларускага аўтара і другую на іх асабісты выбар, якая дапаможа найбольш ярка раскрыць патэнцыял выканаўцы", - расказалі ў Палацы культуры.
Пераможцаў, якіх вызначаць у кожнай узроставай катэгорыі, запросяць на трэці тур конкурсу. "Ён пройдзе ў рамках Нацыянальнага фестывалю беларускай песні і паэзіі "Маладзечна-2025". Сярод гэтых удзельнікаў вызначаць лепшага выканаўцу, які і атрымае Гран-пры і прыз імя Алега Елісеенкава", - адзначылі ва ўстанове культуры.
Мастацкі кіраўнік конкурсу юных выканаўцаў эстраднай песні "Маладзічок" - старшыня ГА "Беларускі саюз кампазітараў" Алена Атрашкевіч.-0-
Падпісвайцеся на нас у
