ДЗЯРЖОРГАНЫДЗЯРЖОРГАНЫ
Флаг Пятніца, 1 ліпеня 2022
Мінск Малавоблачна +19°C
Усе навіны
Усе навіны
Культура
05 мая 2022, 09:01

Маладзёжны сімфанічны аркестр СНД фарміруе новы склад

Фота з архіва
Фота з архіва

5 мая, Мінск /Кар. БЕЛТА/. Міждзяржаўны фонд гуманітарнага супрацоўніцтва дзяржаў - удзельніц СНД аб'яўляе адбор музыкантаў для ўключэння ў склад Маладзёжнага сімфанічнага аркестра. Аб гэтым БЕЛТА паведамілі ў МФГС.

Да ўдзелу ў конкурсе запрашаюцца прафесійныя музыканты да 35 гадоў з Азербайджана, Арменіі, Беларусі, Казахстана, Кыргызстана, Малдовы, Расіі, Таджыкістана, Туркменістана, Узбекістана па спецыяльнасцях: скрыпка, альт, віяланчэль, кантрабас, флейта, габой, кларнет, фагот, валторна, труба, трамбон, ударныя, арфа.

Для ўдзелу ў конкурсе неабходна запоўніць анкету і прадставіць відэазапіс свайго выканання твораў конкурснай праграмы. Форма анкеты і падрабязныя ўмовы ўдзелу ў конкурсе размешчаны на сайце МФГС. Тэрміны правядзення конкурсу - 1 мая - 1 чэрвеня.

Удзельнікі, якія прайшлі конкурсны адбор, увойдуць у склад Маладзёжнага сімфанічнага аркестра СНД і прымуць удзел у гастрольных выступленнях калектыву ў краінах Садружнасці.

Маладзёжны сімфанічны аркестр - адзін са знакавых праектаў МФГС. Аркестр упершыню быў сабраны ў 2007 годзе. У яго склад традыцыйна ўваходзяць маладыя музыканты краін Садружнасці, лаўрэаты і пераможцы прэстыжных музычных конкурсаў. У розныя гады аркестрам кіравалі вядомыя дырыжоры Юрый Сіманаў, Уладзімір Співакоў, Васіль Валітаў.

Базай аркестра ў гэтым годзе выступіць Расійскі дзяржаўны сімфанічны аркестр кінематаграфіі пад кіраўніцтвам Народнага артыста Расіі Сяргея Скрыпкі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі