Мабільная версія
ДЗЯРЖОРГАНЫ

Апошнія навіны
Усе навіны

Маладыя оперныя салісты дэбютуюць у "Лятучым галандцы" 14 сакавіка ў Вялікім тэатры Беларусі

Культура 13.03.2019 | 18:10
Фота з архіва
Фота з архіва

13 сакавіка, Мінск /Кар. БЕЛТА/. Маладыя оперныя салісты Марта Данусевіч і Віктар Мендзелеў дэбютуюць у спектаклі Рыхарда Вагнера "Лятучы галандзец" на сцэне Нацыянальнага акадэмічнага Вялікага тэатра оперы і балета Беларусі, паведамілі карэспандэнту БЕЛТА ў прэс-цэнтры тэатра.

"У 2019 годзе ў канцэпцыі развіцця Вялікага тэатра стаўка зроблена на моладзь, нацыянальны рэпертуар і беларускія кадры. За тым, як запальваюцца зоркі на нашай сцэне, гледачы могуць назіраць ужо 14 сакавіка: у гэты дзень адбудзецца дэбют маладых, але неверагодна таленавітых оперных салістаў у містычнай пастаноўцы "Лятучы галандзец". Сапрана Марта Данусевіч выканае партыю Сенты, а тэнар Віктар Мендзелеў - партыю Эрыка", - расказалі ў прэс-цэнтры.

Падтрымліваць калег будуць вядомыя і вопытныя артысты: у ролі Галандца выступіць Станіслаў Трыфанаў, Даланда - Васіль Кавальчук, у партыі Мэры і Рулявога - Наталля Акініна і Юрый Балацько. За дырыжорскім пультам - Віктар Пласкіна.

"Лятучы галандзец" - гэта наватарскі спектакль, які пастаўлены гадоў пяць таму і займае асаблівую нішу ў рэпертуары тэатра. І хоць наша пастаноўка на нямецкай мове, яна карыстаецца папулярнасцю. У нас цудоўны аркестр, хор, выдатныя салісты, і мы вырашылі надаць спектаклю новае дыханне, для чаго і ўводзім маладых выканаўцаў, - адзначыў Віктар Пласкіна. - Марта Данусевіч - гэта адна з лепшых нашых маладых спявачак, якая вельмі паспяхова выканала партыю Мімі ў "Багеме", пасля чаго на яе мы звярнулі больш пільную ўвагу. Прычым знешне яна падобна на немку, таму для партыі Сенты мы запрасілі яе спецыяльна. Спадзяёмся, што ў яе ўсё атрымаецца. Партыю Эрыка выканае Віктар Мендзелеў - гэта адзін з нашых перспектыўных тэнараў, мы спадзяёмся, што ён вырасце ў драматычнага тэнара. І партыя Эрыка для яго стане пераходнай, хоць і вельмі складанай".

Нягледзячы на маладосць, Марта Данусевіч і Віктар Мендзелеў ужо выконваюць яркія партыі ў многіх спектаклях на сцэне Вялікага тэатра Беларусі. Паспелі заявіць пра сябе і на міжнароднай арэне.

Віктар Мендзелеў у 2009 годзе скончыў Магілёўскі дзяржаўны музычны каледж імя М.А. Рымскага-Корсакава па класе харавое дырыжыраванне, у 2015-м - Беларускую дзяржаўную акадэмію музыкі. З'яўляецца лаўрэатам шматлікіх міжнародных конкурсаў вакалістаў: адкрытага конкурсу імя Станіслава Манюшкі "Убельская ластаўка", Маскоўскага міжнароднага конкурсу маладых выканаўцаў рускага раманса "Маскоўская рамансіяда - 2013", Мінскага міжнароднага Каляднага конкурсу вакалістаў, Міжнароднага конкурсу вакалістаў імя Фёдара Шаляпіна. Ён уладальнік заахвочвальнай прэміі спецыяльнага фонду Прэзідэнта Беларусі па падтрымцы таленавітай моладзі.

Марта Данусевіч у 2014 годзе скончыла Беларускую дзяржаўную акадэмію музыкі. З 2015-га - салістка Вялікага тэатра Беларусі, а таксама артыстка Маладзёжнай опернай праграмы Вялікага тэатра Расіі. У кастрычніку 2016 года выступала ў канцэрце "Віртуозы Масквы" пад кіраўніцтвам Юрыя Башмета ў бельгійскім Антверпене. У лютым 2017-га ўдзельнічала ў гастролях Маладзёжнай опернай праграмы на Блакітным узбярэжжы Францыі, у тым ліку ў Оперы Ніцы і Оперы Тулона. У 2017 годзе стажыравалася ва ўніверсітэце "Моцартэум" у аўстрыйскім Зальцбургу. У 2019-м прымала ўдзел у XII Зімовым міжнародным фестывалі мастацтваў Юрыя Башмета. З'яўляецца лаўрэатам Міжнароднага конкурсу вакалістаў імя Л.П. Александроўскай і Міжнароднага конкурсу "Мастацтва XXI стагоддзя", двойчы лаўрэат спецыяльнага фонду Прэзідэнта Беларусі па падтрымцы таленавітай моладзі.-0-

Версія для друку
Навіны рубрыкі Культура
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

У Беларусі выбраны правамоцны парламент Цэнтрвыбаркам падвёў папярэднія вынікі выбараў дэпутатаў Палаты прадстаўнікоў Нацыянальнага сходу Беларусі сёмага склікання.