6 лютага, Магілёў /Кар. БЕЛТА/. Больш за 130 афортаў і літаграфій вядомых іспанскіх мастакоў Франсіска Гоі і Пабла Пікаса прадстаўлены на выставе "Пясок і кроў" у Магілёўскім абласным мастацкім музеі імя П.В.Масленікава. Работы з прыватных калекцый з Англіі і Іспаніі аб'яднаны тэмай мастацтва карыды, расказалі БЕЛТА ва ўстанове культуры.
У 1814-1816 гадах Гоя звярнуўся да тэмы карыды і стварыў серыю афортаў, якая ўвайшла ў залаты фонд сусветнага выяўленчага мастацтва пад назвай "Таўрамахія". У ёй мастак адыходзіць ад прывычнага ў той час паказу карыды як яркага і маляўнічага дзейства, і перадае жорсткасць, адкрытасць і драматычнасць відовішча. Яго работы напоўнены эмацыянальным напружаннем. Майстра таксама вызначала дакладнасць да дэталей, у выніку чаго ён ствараў манументальныя гераічныя палотны ў мініяцюры.
У 1959 годзе 80-гадовы Пабла Пікаса стварае сваю містэрыю любові і смерці ў серыі малюнкаў. У карыдзе ён бачыў дасканалае ўвасабленне пластыкі чалавечага цела і захапляўся матадорамі, а быка ўяўляў увасабленнем стыхійных сіл прыроды. У яго работах тэма адзінаборства набывае характар драматургіі, а сама народная традыцыя карыды напаўняецца глыбокім філасофска-псіхалагічным сэнсам. Адметнай рысай яго твораў стала эмацыянальнасць за кошт выкарыстання розных тэхнік - ад тонкіх і вытанчаных ліній да наўмысна буйных і нават неакуратных мазкоў.
Выстава прадоўжыцца да 13 красавіка.-0-
Франсіска Гоя і Пабла Пікаса займаюць асаблівае месца ў мастацтве як вялікія мастакі і вялікія знатакі гісторыі і традыцый карыды. "Іх творы ў жывапісе і графіцы, якія захавалі грандыёзнае нацыянальнае свята, можна параўнаць з паэзіяй. Скрываўлены пясок стаў для майстроў мастацкім матывам увасаблення іспанскага нацыянальнага духу. У работах захаваны арэна, асляпляльнае сонца, гульня ценяў і агнёў разам з танцам смерці быка і тарэадора", - удакладнілі ў музеі.
Разам з тым карыда Гоі і карыда Пікаса - два розныя сусветы. Для першага майстра важны гістарызм і праўдзівасць, для другога - сімвалічная каштоўнасць таго, што адбываецца на арэне, адлюстраванне містычнай сувязі галоўных дзеючых асоб. Гоя пераносіць гледача непасрэдна ў гушчу падзей, прымушаючы стаць іх сведкам, Пікаса захоплены пошукам грацыёзнасці тарэадораў і велічнага складу быкоў.
У 1814-1816 гадах Гоя звярнуўся да тэмы карыды і стварыў серыю афортаў, якая ўвайшла ў залаты фонд сусветнага выяўленчага мастацтва пад назвай "Таўрамахія". У ёй мастак адыходзіць ад прывычнага ў той час паказу карыды як яркага і маляўнічага дзейства, і перадае жорсткасць, адкрытасць і драматычнасць відовішча. Яго работы напоўнены эмацыянальным напружаннем. Майстра таксама вызначала дакладнасць да дэталей, у выніку чаго ён ствараў манументальныя гераічныя палотны ў мініяцюры.
У 1959 годзе 80-гадовы Пабла Пікаса стварае сваю містэрыю любові і смерці ў серыі малюнкаў. У карыдзе ён бачыў дасканалае ўвасабленне пластыкі чалавечага цела і захапляўся матадорамі, а быка ўяўляў увасабленнем стыхійных сіл прыроды. У яго работах тэма адзінаборства набывае характар драматургіі, а сама народная традыцыя карыды напаўняецца глыбокім філасофска-псіхалагічным сэнсам. Адметнай рысай яго твораў стала эмацыянальнасць за кошт выкарыстання розных тэхнік - ад тонкіх і вытанчаных ліній да наўмысна буйных і нават неакуратных мазкоў.
Выстава прадоўжыцца да 13 красавіка.-0-
Падпісвайцеся на нас у
