Сцяг Пятніца, 19 красавіка 2024
Усе навіны
Усе навіны
Культура
04 студзеня 2024, 15:24

Магіляўчан і гасцей горада запрашаюць на "Музейныя сустрэчы па выхадных" 

4 студзеня, Магілёў /Кар. БЕЛТА/. Магіляўчан і гасцей горада запрашаюць 6 і 7 студзеня на "Музейныя сустрэчы па выхадных", якія па традыцыі пройдуць у Магілёўскім абласным мастацкім музеі імя  П.В.Масленікава. Аб гэтым БЕЛТА паведамілі ва ўстанове культуры.

Так, 6 студзеня запланавана тэматычная сустрэча "Таямнічы водбліск стагоддзяў". Як расказалі ва ўстанове культуры, у час заняткаў пройдзе экскурсія па выставе галаграм унікальных прадметаў мінулага. Тут можна будзе ўбачыць пояс Вітаўта XV стагоддзя, упрыгажэнні старажытных славян, якія налічваюць больш за 500 гадоў. А пры правільным асвятленні ўсе гэтыя скарбы пераліваюцца асаблівымі фарбамі.

На наступны дзень музей запрашае на сустрэчу "Паглыбленне ў жывапіс". Тут удзельнікі змогуць азнаёміцца з жыццём і творчасцю народнага мастака Беларусі Паўла Васільевіча Масленікава. У экспазіцыі можна будзе ўбачыць жывапісныя палотны мастака-рэаліста, яго эскізы дэкарацый і касцюмаў, а таксама асабістыя рэчы майстра, які атрымаў сусветную вядомасць.

Пачатак заняткаў у 13.00. Для ўдзелу неабходна запісацца. Гэта можна зрабіць у будныя дні па тэлефонах: 8 (0222) 62-24-25, 8 (0222) 71-17-49.-0-

Падпісвайцеся на нас у
Twitter
Топ-навіны
Свежыя навіны Беларусі