Сцяг Пятніца, 29 сакавіка 2024
Усе навіны
Усе навіны
Культура
12 кастрычніка 2022, 10:22

Магілёўскі і Смаленскі тэатры лялек абмяняюцца гастролямі

12 кастрычніка, Магілёў /Кар. БЕЛТА/. Абменныя гастролі Магілёўскага і Смаленскага абласных тэатраў лялек адбудуцца 22-23 кастрычніка. Аб гэтым БЕЛТА паведамілі ў магілёўскай установе культуры.

Так, смаленскія лялечнікі прадставяць на беларускай сцэне два спектаклі для дзіцячай аўдыторыі - "Сястрыца Алёнушка і братка Іванушка" і "Мыйдадзір", якія рэалізаваны пры падтрымцы расійскага федэральнага праекта "Культура малой радзімы".

У аснову першай гісторыі пакладзена руская народная казка, добра знаёмая як дзецям, так і людзям старэйшага пакалення. У ёй заключана народная мудрасць, іншасказанні, незвычайныя і чароўныя моманты. "Дабро ўсё роўна перамагае зло, а таемнае становіцца відавочным - у гэтым і заключаецца галоўная думка гэтай павучальнай народнай гісторыі. А яшчэ тут ёсць наказ - слухайся старэйшых, калі свайго жыццёвага вопыту яшчэ малавата", - адзначылі ў тэатры.

Вясёлы і яркі спектакль у дзвюх дзеях "Мыйдадзір" - гэта захапляючы карагод з любімых вершаў Карнея Чукоўскага. Казка напоўнена музыкай і дынамічным дзействам, што прымушае гледача, не адрываючыся, сачыць за падзеямі на сцэне. Акрамя таго, у гісторыі фігуруюць шмат забаўных персанажаў. Яны вучаць маленькіх гледачоў элементарным правілам гігіены, а таксама расказваюць пра каштоўнасць дружбы і важнасць паслухмянасці.

У сваю чаргу, Магілёўскі абласны тэатр лялек прадставіць на смаленскай сцэне танцавальную казку "Муха-Цакатуха" і пірацкую гісторыю "Прыгоды Джэка Вераб'я".-0-

Падпісвайцеся на нас у
Twitter
Топ-навіны
Свежыя навіны Беларусі