Сцяг Серада, 22 мая 2024
Усе навіны
Усе навіны
Культура
12 мая 2017, 17:11

Лошыцкая сядзіба ў Мінску запрашае на "Майскія музычныя вечары"

12 мая, Мінск /Кар. БЕЛТА/. "Майскія музычныя вечары" пройдуць у філіяле Музея гісторыі Мінска "Лошыцкая сядзіба" 13, 20 і 27 мая, паведамілі БЕЛТА ў прэс-службе Мінгарвыканкама.

Гасцей чакаюць канцэртныя праграмы "Вясенняя серэнада", "Музыка ў беларускіх сядзібах", "І жыццё, і слёзы, і любоў..." Наведвальнікі змогуць пачуць вакальныя і інструментальныя кампазіцыі розных жанраў і стыляў у выкананні таленавітых маладых музыкантаў. Канцэрты адбудуцца ў 19.00. Для дзяцей да сямі гадоў уваход бясплатны.

Ініцыятары майскіх музычных вечароў - удзельнікі міжнароднага праекта Young Voices, якія традыцыйна выступаюць у гістарычных месцах - музеях, палацах і замках. У бальнай зале Лошыцкай сядзібы прагучыць музыка беларускіх, рускіх і еўрапейскіх кампазітараў мінулых эпох.

Мэта арганізатараў мерапрыемства - адраджэнне багатых традыцый музычных салонаў XVIII - пачатку XX стагоддзяў, папулярызацыя класічнай музыкі і музычнай спадчыны Беларусі.-0-

Падпісвайцеся на нас у
Twitter
Топ-навіны
Свежыя навіны Беларусі