17 верасня, Мінск /Кар. БЕЛТА/. Лепшую беларускую кароткаметражку выберуць гледачы фестывалю Kinosmena 19 верасня, паведамілі карэспандэнту БЕЛТА арганізатары.
Рэжысёры прадставяць свае работы, якія ўдзельнічаюць у нацыянальным конкурсе фестывалю. Пасля прагляду адбудзецца галасаванне. Трапіць у лік гледачоў можна па папярэдняй рэгістрацыі. Інфармацыя аб гэтым размешчана на афіцыйным сайце форуму.
У праграме ўдзельнічаюць фільмы "Пагавары са мной" (рэжысёр Ігнат Качан); "Людзі ў шэрым" (рэжысёр Сяргей Куклоў); "Наша ўсё" (рэжысёр Алена Судак); "Пляж/лес/тамбур" (рэжысёр Кірыл Галіцкі); "Супрамат" (рэжысёр Андрэй Цімафееў).
Фестываль Kinosmena пройдзе 19-23 верасня ў сетцы мінскіх кінатэатраў Silver Screen, кінатэатры "Беларусь" Мінска і ў кінатэатрах гарадоў краіны.
Kinosmena прадстаўляе работы беларускіх і замежных кінематаграфістаў, адабраныя членамі журы, і разам з гледачамі выбірае пераможцу. Таксама прадугледжваецца пазаконкурсная праграма з фільмаў, якія не ўвайшлі ў асноўны конкурс, але ўяўляюць цікавасць для гледачоў. Усяго на форум паступіла 4 тыс. 500 заявак са 125 краін.
Гран-пры фестывалю ўручаецца за лепшы фільм па выніках галасавання журы і гледачоў.
Мінскі міжнародны фестываль кароткаметражных фільмаў Kinosmena - штогадовая культурная падзея - праходзіць пад патранатам Беларускага саюза кінематаграфістаў і адобрана Міністэрствам культуры Беларусі.-0-