ДЗЯРЖОРГАНЫДЗЯРЖОРГАНЫ
Флаг Панядзелак, 15 жніўня 2022
Мінск Суцэльная воблачнасць +26°C
Усе навіны
Усе навіны
Культура
20 красавіка 2022, 11:06

Лепшага чытача дзіцячых кніг выберуць у Гомелі

Фота з архіва
Фота з архіва

20 красавіка, Гомель /Кар. БЕЛТА/. Фінал ХVI штогадовага гарадскога конкурсу "Лепшы чытач дзіцячых кніг" пройдзе ў Гомелі 21 красавіка ў цэнтральнай бібліятэцы імя А.І. Герцэна, паведамілі карэспандэнту ў сетцы публічных бібліятэк абласнога цэнтра.

За званне лепшага чытача горада над Сожам пазмагаюцца пераможцы першага этапу конкурсу, які прайшоў у бібліятэках сеткі ў дні вясенніх канікулаў.

Дзецям трэба будзе прадэманстраваць сваю эрудыцыю, начытанасць і артыстычнасць у трох літаратурных конкурсах. Школьнікі адкажуць на пытанні па кнігах, падзеляцца сваімі ўражаннямі аб прачытаным у відэароліках, параяць, на якія дзіцячыя творы трэба звярнуць увагу дарослым.

Ацэньваць удзельнікаў фіналу будзе кампетэнтнае журы.

"Вядома ж, на літаратурным свяце ў цэнтры ўвагі будзе кніга. Дзеці сустрэнуцца з любімымі літаратурнымі героямі і азнаёмяцца з яркімі, маляўнічымі выданнямі, прадстаўленымі на выставах-праглядах. Не абыдзецца і без сюрпрызаў, вясёлых прыгод, тэатралізаванага касмічнага паказу, музычных і салодкіх падарункаў", - дадалі ў сетцы публічных бібліятэк.

Канкурсантаў чакаюць дыпломы і падарункі, спецыяльныя прызы.

Конкурс прымеркаваны да Сусветнага дня кніг і аўтарскага права. У ліку сузаснавальнікаў інтэлектуальнага спаборніцтва - Гомельскае абласное аддзяленне грамадскага аб'яднання "Беларускі дзіцячы фонд", абласное аддзяленне ГА "Саюз пісьменнікаў Беларусі" і інш.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі