25 сакавіка, Мінск /Кар. БЕЛТА/. Легендарны спектакль "Звер" прадставіў Пермскі тэатр "Ля Моста" на сцэне Дзяржаўнага акадэмічнага тэатра імя Янкі Купалы, перадае карэспандэнт БЕЛТА.
"Мы вырашылі, што для нашай прэзентацыі ў галоўным тэатры Беларусі патрэбны самы легендарны спектакль нашага тэатра, які ідзе ўжо 35 гадоў. Мы правезлі яго па ўсім свеце - ён прыняў удзел у 20 фестывалях", - расказаў мастацкі кіраўнік Пермскага тэатра "Ля Моста", заслужаны артыст Расійскай Федэрацыі Сяргей Фядотаў.
Паводле яго слоў, "Звер" - гэта спектакль, які выдатна падыходзіць для гастроляў. У ім усяго пяць артыстаў. Пры гэтым пастаноўка настолькі магічная, што яе разумеюць і без слоў.
"Мы паказвалі яго на фестывалі ў Косаве. Першыя 10 мінут гледачы глядзелі на субцітры, а потым пачалі разумець спектакль без перакладу. Таксама мы выступалі на Тэатральнай алімпіядзе ў Індыі. Пасля спектакля гледачы падыходзілі і цалавалі мне ногі. Я быў спалоханы, але аказалася, што ў Індыі гэта вышэйшая форма шанавання і выказвання станоўчых эмоцый пасля спектакля", - растлумачыў Сяргей Фядотаў.
Ён дадаў, што палюбіў Беларусь 35 гадоў таму, калі быў тут на гастролях са спектаклем "Жаніцьба". З гэтага моманту калектыў тэатра аб'ехаў 50 краін свету, але ўсё ніяк не мог трапіць у Беларусь. Аднак тры гады таму Пермскі тэатр запрасіў РТБД на Міжнародны тэатральны фестываль Марціна МакДонаха, таму што ў іх тэатры была пастаноўка гэтага аўтара. Так пачаліся актыўныя стасункі з Мінскам.
Паводле слоў Сяргея Фядотава, цяпер артысты праводзяць пятае ўжо беларускае турнэ з наведваннем Магілёва, Гомеля і Мінска. А літаральна праз месяц яны адправяцца ў шостае турнэ з прыпынкамі ў Мінску, Брэсце, Гродне і Гомелі.
"30 гадоў таму, калі пачаліся гастролі нашага тэатра ў Еўропе, я стаў шмат чуць пра беларускі тэатр. Трапіўшы сюды, я палюбіў Беларусь усёй душой. Тут неверагодны глядач. Вельмі пяшчотны, культурны, уважлівы. Гледачы ў зале тут заўсёды ўстаюць - такая традыцыя павагі да тэатра і артыстаў, і гэта цудоўна", - падкрэсліў мастацкі кіраўнік тэатра.
Ён таксама адзначыў прыгажосць Купалаўскага тэатра. "Я паставіў 50 спектакляў за мяжой: 15 у Чэхіі, 10 у Польшчы, але такога прыгожага тэатра я не бачыў нідзе. Цяпер працую над пастаноўкай "Каханне і галубы" ў Маладзёжным тэатры. Вельмі цікава працаваць з беларускімі артыстамі. Такім чынам, калі мяне калі-небудзь запросяць паставіць спектакль у Купалаўскім тэатры, то я зраблю гэта з задавальненнем. Мне здаецца, тут вельмі прыгожа прагучаў бы Булгакаў", - рэзюмаваў Сяргей Фядотаў.-0-
"Мы вырашылі, што для нашай прэзентацыі ў галоўным тэатры Беларусі патрэбны самы легендарны спектакль нашага тэатра, які ідзе ўжо 35 гадоў. Мы правезлі яго па ўсім свеце - ён прыняў удзел у 20 фестывалях", - расказаў мастацкі кіраўнік Пермскага тэатра "Ля Моста", заслужаны артыст Расійскай Федэрацыі Сяргей Фядотаў.
Паводле яго слоў, "Звер" - гэта спектакль, які выдатна падыходзіць для гастроляў. У ім усяго пяць артыстаў. Пры гэтым пастаноўка настолькі магічная, што яе разумеюць і без слоў.
"Мы паказвалі яго на фестывалі ў Косаве. Першыя 10 мінут гледачы глядзелі на субцітры, а потым пачалі разумець спектакль без перакладу. Таксама мы выступалі на Тэатральнай алімпіядзе ў Індыі. Пасля спектакля гледачы падыходзілі і цалавалі мне ногі. Я быў спалоханы, але аказалася, што ў Індыі гэта вышэйшая форма шанавання і выказвання станоўчых эмоцый пасля спектакля", - растлумачыў Сяргей Фядотаў.
Ён дадаў, што палюбіў Беларусь 35 гадоў таму, калі быў тут на гастролях са спектаклем "Жаніцьба". З гэтага моманту калектыў тэатра аб'ехаў 50 краін свету, але ўсё ніяк не мог трапіць у Беларусь. Аднак тры гады таму Пермскі тэатр запрасіў РТБД на Міжнародны тэатральны фестываль Марціна МакДонаха, таму што ў іх тэатры была пастаноўка гэтага аўтара. Так пачаліся актыўныя стасункі з Мінскам.
Паводле слоў Сяргея Фядотава, цяпер артысты праводзяць пятае ўжо беларускае турнэ з наведваннем Магілёва, Гомеля і Мінска. А літаральна праз месяц яны адправяцца ў шостае турнэ з прыпынкамі ў Мінску, Брэсце, Гродне і Гомелі.
"30 гадоў таму, калі пачаліся гастролі нашага тэатра ў Еўропе, я стаў шмат чуць пра беларускі тэатр. Трапіўшы сюды, я палюбіў Беларусь усёй душой. Тут неверагодны глядач. Вельмі пяшчотны, культурны, уважлівы. Гледачы ў зале тут заўсёды ўстаюць - такая традыцыя павагі да тэатра і артыстаў, і гэта цудоўна", - падкрэсліў мастацкі кіраўнік тэатра.
Ён таксама адзначыў прыгажосць Купалаўскага тэатра. "Я паставіў 50 спектакляў за мяжой: 15 у Чэхіі, 10 у Польшчы, але такога прыгожага тэатра я не бачыў нідзе. Цяпер працую над пастаноўкай "Каханне і галубы" ў Маладзёжным тэатры. Вельмі цікава працаваць з беларускімі артыстамі. Такім чынам, калі мяне калі-небудзь запросяць паставіць спектакль у Купалаўскім тэатры, то я зраблю гэта з задавальненнем. Мне здаецца, тут вельмі прыгожа прагучаў бы Булгакаў", - рэзюмаваў Сяргей Фядотаў.-0-
Падпісвайцеся на нас у
