Мабільная версія
ДЗЯРЖОРГАНЫ

Апошнія навіны
Усе навіны

Ларыса Грыбалёва выступіць разам з таленавітымі дзецьмі Магілёўскай вобласці

Культура 09.09.2019 | 17:44
Ларыса Грыбалёва. Фота з архіва
Ларыса Грыбалёва. Фота з архіва

9 верасня, Мінск /Кар. БЕЛТА/. У Магілёўскім абласным цэнтры творчасці пройдзе канцэрт пераможцаў рэгіянальнага этапу праекта "Зорная краіна" Ларысы Грыбалёвай, паведамілі БЕЛТА арганізатары.

Праект "Зорная краіна" прысвечаны Году малой радзімы і 25-годдзю творчай дзейнасці папулярнай артысткі, тэлевядучай, актрысы Ларысы Грыбалёвай. "6 кастрычніка адбудзецца чарговы канцэрт праекта, у якім спявачка выступіць разам з таленавітымі дзецьмі Магілёўскай вобласці: Маргарытай Цумаравай, Міланай Курылавай, Аляксандрай Старавойтавай, танцавальным калектывам IN Motion, а таксама Настассяй Скарапад і Веранікай Бандаровіч. У час канцэрта можна будзе не толькі пачуць песні юных талентаў і самой Ларысы Грыбалёвай, але і пагутарыць з артысткай", - расказалі арганізатары.

Ларыса Грыбалёва родам з Віцебска і не па чутках ведае, які шлях артыста на вялікую сцэну. Менавіта жаданне падтрымаць дзяцей у пачатку іх творчага шляху пакладзена ў аснову стварэння праекта. "У Год малой радзімы мне будзе прыемна ўнесці невялікі ўклад у развіццё юных талентаў Беларусі. За 25 гадоў творчай дзейнасці назбіралася вялікая колькасць любімых усімі песень, і я з задавальненнем імі падзялюся, - адзначыла Ларыса Грыбалёва. - Я ўвесь час атрымліваю запыты ад арганізацый і праектаў па сумесных выступленнях. Менавіта набыты вопыт і жаданне дапамагчы пачынаючым артыстам сталі асновай для стварэння такой творчай платформы, як "Зорная краіна". Канцэрты пройдуць па ўсёй краіне, а вынікам будзе зводны канцэрт 11 снежня ў Мінскім гарадскім палацы культуры. Упэўнена, у нас атрымаецца запаліць новыя зорачкі нашай таленавітай краіны".

Канцэрты пройдуць практычна ва ўсіх абласцях краіны: 15 верасня - у Гомелі, 3 кастрычніка - у Жодзіне, 13 кастрычніка - у Салігорску, 23 лістапада - у Лунінцы, 7 снежня - у Бабруйску, 11 снежня - гала-канцэрт у Мінску.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Аб дамашнім заданні для школьнікаў Аб'ём дамашняга задання павінен адпавядаць санітарным нормам з улікам задаваемага па іншых прадметах.