10 лістапада, Мінск /Кар. БЕЛТА/. Рэспубліканскі маладзёжны цэнтр запусціў рэспубліканскі конкурс відэаролікаў Booktrailer, паведаміў БЕЛТА начальнік аддзела інфармацыйна-метадычнага забеспячэння і медыяпраектаў цэнтра Антон Сарокін.
Booktrailer - кароткі відэаролік у адвольнай мастацкай форме аб нейкай кнізе. Асноўная яго задача - зацікавіць і заінтрыгаваць чытача. Гэта сучасны тэхнічны спосаб прадстаўлення кнігі, своеасаблівая анатацыя (анонс) кнігі ў відэафармаце, нацэлены на яе папулярызацыю сярод чытачоў.
Каб перамагчы ў конкурсе, маладым людзям ва ўзросце ад 14 да 31 года неабходна з 8 лістапада па 30 снежня 2022 года прадаставіць відэаролік па адной з намінацый: "Даўняя (старажытная) беларуская літаратура (XI-XVII стагоддзяў)", "Новая беларуская літаратура (першая палова XVIII - XIX стагоддзе)", "Навейшая беларуская літаратура (літаратура ад пачатку XX стагоддзя да сучаснасці)".
Пераможцаў і прызёраў конкурсу вызначыць журы з ліку прадстаўнікоў Міністэрства адукацыі, Рэспубліканскага маладзёжнага цэнтра і грамадскага аб'яднання "Саюз пісьменнікаў Беларусі".
Арганізатары таксама адзначылі, што пераможцаў і прызёраў конкурсу будуць выбіраць сярод першых 50 чалавек, якія падалі заяўкі ў аргкамітэт.-0-
