ДЗЯРЖОРГАНЫДЗЯРЖОРГАНЫ
Флаг Субота, 16 кастрычніка 2021
Мінск Ясна +8°C
Усе навіны
Усе навіны
Культура
30 красавіка 2021, 14:18

Конкурс харавых калектываў "Вясновы спеў" стартуе ў Мінску 3 мая

Фота з архіва
Фота з архіва

30 красавіка, Мінск /Кар. БЕЛТА/. У сталіцы з 3 па 7 мая пройдзе IV Мінскі адкрыты конкурс харавых калектываў, вакалістаў і вакальных ансамбляў "Вясновы спеў", паведамілі БЕЛТА ва ўпраўленні культуры Мінгарвыканкама.

"Конкурс праводзіцца сярод дзяцей і падлеткаў для выяўлення і падтрымкі таленавітых выканаўцаў, харавых дырыжораў, прапаганды беларускай народнай песні і музыкі айчынных кампазітараў. На гэты раз у мерапрыемстве прымуць удзел 50 салістаў і 41 харавы калектыў са сталіцы і рэгіёнаў краіны, а агульная колькасць удзельнікаў складзе больш за тысячу чалавек", - расказалі ва ўпраўленні.

Удзельнікам мерапрыемства трэба будзе прадэманстраваць майстэрства ў намінацыях "Акадэмічныя сольныя спевы", "Акадэмічныя харавыя спевы", "Народныя сольныя спевы" і "Народныя харавыя спевы".

У склад журы ўвойдуць прызнаныя эксперты ў галіне музычнага мастацтва: дырыжоры-хормайстры, кампазітары, практыкуючыя выкладчыкі Беларускай дзяржаўнай акадэміі музыкі і Мінскага дзяржаўнага музычнага каледжа імя М.І.Глінкі. Узначаліць журы салістка Нацыянальнага акадэмічнага вялікага тэатра оперы і балета народная артыстка Беларусі Ніна Шарубіна.

Конкурсныя праслухоўванні пройдуць з 3 па 5 мая ў дыстанцыйным фармаце, а спаборніцтвы лаўрэатаў, узнагароджанне пераможцаў і заключны гала-канцэрт конкурсу арганізуюць 7 мая ў канцэртнай зале "Верхні горад", дзе юных пераможцаў павіншуюць майстры айчыннай сцэны.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі