Мабільная версія
II Еўрапейскія гульні
ДЗЯРЖОРГАНЫ

Апошнія навіны
Усе навіны

Кніжныя сустрэчы ў Мірскім замку збяруць вядучых выдаўцоў

Культура 26.04.2019 | 11:11
Фота з архіва
Фота з архіва

26 красавіка, Мінск /Кар. БЕЛТА/. Свята "Кніжныя сустрэчы ў Мірскім замку" 15 чэрвеня збярэ больш за 20 вядучых выдавецтваў краіны, якія азнаёмяць чытачоў з навінкамі кнігавыдання, паведамілі БЕЛТА ў Міністэрстве інфармацыі.

"На галоўнай сцэнічнай пляцоўцы Міра адбудуцца тэатралізаванае адкрыццё свята, прэзентацыі кніг Уладзіслава Місевіча "Песняры" і Віктара Хурсіка "Vale. Кніга пра род і лёс Магдаліны Радзівіл", аўтограф-сесіі пісьменнікаў Беларусі і Расіі: Людмілы Рублеўскай, Віктара Шніпа, Валерыя Казакова, Мікалая Ефімовіча, Анатоля Бутэвіча і іншых", - расказалі ў ведамстве.

Гродзенская абласная навуковая бібліятэка імя Я. Карскага прадставіць выставу самаробных кніг і лялек - герояў літаратурных твораў. Мастакі выдавецтваў раскажуць наведвальнікам аб сучасных напрамках у кніжным дызайне, а ў выставачных залах музея можна будзе азнаёміцца з экспазіцыяй кніжнага знака і іншымі праектамі.

Акрамя таго, усе жадаючыя змогуць задаць свае пытанні ў час круглага стала "Гістарычная кніга ў сучасным грамадстве", у якім прымуць удзел літаратары, вучоныя, грамадскія дзеячы.

Мірскі замак - унікальны помнік беларускага дойлідства, уключаны ў спіс Сусветнай спадчыны ЮНЕСКА. Замкам валодалі вядомыя гістарычныя асобы Беларусі. Сёння гэта цэнтр культурнага жыцця са сваімі брэндавымі мерапрыемствамі. "Спадзяёмся, што і гэта новае свята "Кніжныя сустрэчы ў Мірскім замку" стане асаблівым і традыцыйным", - адзначылі ў міністэрстве.

Арганізатарамі кніжнага свята выступаюць Міністэрства інфармацыі, Міністэрства культуры, Гродзенскі аблвыканкам, Карэліцкі райвыканкам, Гродзенскі філіял РУП "Белсаюздрук", музей "Замкавы комплекс "Мір", ААТ "Белкніга".-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Білеты на ІІ Еўрапейскія гульні Цырымонія адкрыцця - 21 чэрвеня, стадыён "Дынама" - кошт білета - Br150-300. Цырымонія закрыцця - 30 чэрвеня, стадыён "Дынама" - Br70-150.