Кінафестываль "Лістапад". Што паглядзець 4 лістапада

4 лістапада, Мінск /Кар. БЕЛТА/. У Мінску прадаўжаецца міжнародны кінафестываль "Лістапад", паведамілі БЕЛТА ў прэс-службе фестывалю.

У кінатэатры "Піянер" прадоўжыцца конкурс фільмаў для дзіцячай і юнацкай аўдыторыі "Лістападзік". У 11.00 там прадставяць расійскую кінастужку "Трымайся сонца", а ў 14.00 - партугальскі "Дзённік Паўліны П.".

Акрамя таго, у 15.00 пакажуць фільмы "Абіцель святой Ефрасінні" Уладзіміра Луцкага і "Тургенеўскія беларусы" Ашота Джазаяна, які прымае ўдзел у асноўнай праграме неігравога кіно.

У кінатэатры "Цэнтральны" ў 12.00 прадставяць сірыйскую кінакарціну "Два дні", у 16.00 - "Захавальнікі формулы ", у 18.30 - "Усё будзе па-іншаму".

У кінатэатры "Перамога" ў 17.00 прадоўжыцца конкурс нацыянальных кінашкол. Гледачам прадставяць фільмы "2006", Constantia, Macula, "Крыніца святла". У 18.00 пакажуць расійскі фільм "Схватка" з конкурсу "Кіно маладых". Таксама ў 18.00 пачнецца Дзень нацыянальнага кіно Зімбабвэ.

У кінатэатры "Мір" пакажуць фільмы з нацыянальнага конкурсу "Культурны код" і "За паству і Айчыну".

Акрамя таго, у Мінску пройдуць розныя пазаконкурсныя паказы, творчыя сустрэчы і майстар-класы.-0-