ДЗЯРЖОРГАНЫДЗЯРЖОРГАНЫ
Нядзеля, 23 лютага 2020
Мінск Суцэльная воблачнасць +2°C
Усе навіны
Усе навіны
Культура
06 лютага 2020, 15:04

Карлюкевіч: сімпозіум літаратараў - пляцоўка міралюбнасці і добрасуседства

Аляксандр Карлюкевіч
Аляксандр Карлюкевіч

6 лютага, Мінск /Кар. БЕЛТА/. Міжнародны сімпозіум літаратараў - пляцоўка міралюбнасці і добрасуседства, заявіў міністр інфармацыі Аляксандр Карлюкевіч на адкрыцці мерапрыемства. Сімпозіум праходзіць на палях XXVIІ Мінскай міжнароднай кніжнай выстаўкі-кірмашу, перадае карэспандэнт БЕЛТА.

"Сімпозіум літаратараў - гэта пляцоўка міралюбнасці і добрасуседства, - сказаў Аляксандр Карлюкевіч. - Гэта сёння гучыць у Беларусі на самых вялікіх форумах. Беларусы ведаюць цану міру, і многія пакаленні тых людзей, якія жылі ў самыя драматычныя перыяды гісторыі, нагадваюць нам, што гэта самая галоўная каштоўнасць чалавечага жыцця".

У бягучым годзе праграму сімпозіума вызначае назва "Пісьменнік і час: літаратура як частка культурнага дыялогу". Удзел у сустрэчы прымаюць празаікі, паэты, публіцысты, літаратуразнаўцы, перакладчыкі з 20 краін. У праграме - пленарнае пасяджэнне, круглыя сталы, семінары, сустрэчы са студэнтамі ВНУ Мінска, літаратурныя вечары.

"Я хацеў бы падзякаваць усім, хто прыехаў у гэтым годзе на сімпозіум, хто цэлы год рыхтаваўся да гэтай падзеі, хто дапамагаў беларускай літаратуры, Саюзу пісьменнікаў Беларусі, каб беларускае мастацкае слова расказвала пра наш народ у іншых краінах, у іншых нацыянальных літаратурах, - адзначыў міністр. - Мы асабліва рады бачыць тут паслоў тых дзяржаў, чые пісьменнікі прыехалі на сімпозіум".

За гады правядзення сімпозіум па праву стаў інтэлектуальнай пляцоўкай для абмеркавання надзённых пытанняў гуманітарнага і культурнага супрацоўніцтва паміж прадстаўнікамі розных краін. Яго арганізатарамі нараўне з Міністэрствам інфармацыі выступаюць Саюз пісьменнікаў Беларусі, Выдавецкі дом "Звязда", выдавецтва "Мастацкая літаратура".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі