ДЗЯРЖОРГАНЫДЗЯРЖОРГАНЫ
Флаг Субота, 3 снежня 2022
Мінск Суцэльная воблачнасць -4°C
Усе навіны
Усе навіны
Культура
10 чэрвеня 2022, 09:38

Карачэўскі расказаў аб фільмах, якія прадставяць на фестывалі "Маладзечна-2022"

Фота з архіва
Фота з архіва

10 чэрвеня, Мінск /Кар. БЕЛТА/. Кіно адыгрывае важную ролю ў фестывалі песні і паэзіі "Маладзечна-2022". Аб гэтым у час прэс-канферэнцыі "Аб правядзенні ХХІ Нацыянальнага фестывалю беларускай песні і паэзіі "Маладзечна-2022" сказаў генеральны дырэктар Нацыянальнай кінастудыі "Беларусьфільм" Уладзімір Карачэўскі, перадае карэспандэнт БЕЛТА.

"Асабістае знаёмства з фестывалем пачалося больш за 12 гадоў таму, і з таго часу ён ніколі не пакідаў маё жыццё. Нацыянальная кінастудыя не застаецца ўбаку ад "Маладзечна-2022", хоць сам фестываль у першую чаргу прысвечаны песні і паэзіі, - сказаў Уладзімір Карачэўскі. - Кіно - гэта той напрамак, у якім прысутнічаюць усе віды мастацтва: музыка, літаратура, пластыка і іншае".

Фестываль беларускай песні і паэзіі важны для "Беларусьфільма", таму што "мы здымаем мастацкія, дакументальныя, анімацыйныя фільмы, якія прысвячаем дзеячам культуры, гісторыі, музыкі", сказаў ён. І дадаў: "У час фестывалю будуць прадстаўлены айчынныя кінатворы, прысвечаныя знакавым падзеям гісторыі Беларусі, дзеячам культуры і мастацтва, творам літаратуры і музыкі. Мы прадставім шырокую палітру фільмаў".

Паказы будуць арганізаваны на пляцоўцы кінатэатра "Радзіма" ў Маладзечне. У праграму ўвойдуць фільмы як для старэйшага, так і юнага пакалення. "Прадставім і нашу залатую калекцыю - адрэстаўрыраваныя фільмы "Дзікае паляванне караля Стаха", "Пра Чырвоную Шапачку. Працяг старой казкі". Госці змогуць убачыць новую кінастужку "Лёс дыверсанта", дакументальныя фільмы апошніх двух гадоў - "Святлана Данілюк", "Тэатр кінаакцёра" і "Максім Танк", а таксама анімацыйныя - "Чароўная кніга", "Тошка і яго сябры", "Прэлюдыя і фуга", - адзначыў Уладзімір Карачэўскі.

Паводле слоў гендырэктара, гэтыя паказы пройдуць таксама ў час рэспубліканскай акцыі "Кінаўрокі гісторыі. Ідзі і глядзі!", арганізаванай Міністэрствам культуры, Саюзам кінематаграфістаў, кінастудыяй "Беларусьфільм" і кінапракатамі.

"Можна не толькі ўбачыць фільмы, але сустрэцца з прадстаўнікамі здымачных груп і кінаіндустрыі. Такая сустрэча будзе цікавая не толькі гледачам, але і творцам, якія ствараюць фільмы, паколькі зваротная сувязь вельмі важная. Магчыма, атрымаецца адкрыць свет беларускага кіно для тых, хто не так часта глядзіць айчынныя фільмы", - рэзюмаваў ён.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі