3 кастрычніка, Мінск /Кар. БЕЛТА/. Беларускі саюз жанчын прывёз у Мінск выставу "Вясёлыя клоўны", якая стала прадаўжэннем інклюзіўнага праекта "Іншая глыбіня", перадае карэспандэнт БЕЛТА.
Выстава работ выхаванцаў Беларускай асацыяцыі дапамогі дзецям-інвалідам і маладым інвалідам з Віцебскай вобласці і іх маці "Вясёлыя клоўны" была падрыхтавана ў 2023 годзе. Сёння яна прадстаўлена ў атрыуме гандлёвага цэнтра "Сталіца" як частка інклюзіўнага праекта Беларускага саюза жанчын "Іншая глыбіня".
Старшыня БСЖ Вольга Шпілеўская звярнула ўвагу, што ў кожную работу ўкладзена душа. "Іншая глыбіня" - праект асаблівых людзей", - сказала яна, дадаўшы, што ў кожнай яго выставе "відаць гэта іншая глыбіня".
Вольга Шпілеўская асаблівую ўвагу ўдзяліла мамам хлопчыкаў і дзяўчынак, назваўшы іх вялікімі беларускімі жанчынамі за іх уменне працаваць з дзецьмі і ўкладвацца ў іх. Таксама яна адзначыла ролю тых людзей, якія своечасова заўважаюць аўтараў і іх цудоўныя работы.
Унікальнасць выставы адзначыла і старшыня Мінскай гарадской арганізацыі Беларускага саюза жанчын Вольга Чамаданава. Паводле яе слоў, гэтыя яркія, вясёлыя карціны, над якімі вялася карпатлівая работа, знайшлі дастойнае месца для экспанавання. Выстава "Вясёлыя клоўны" прадстаўлена як частка праекта "Іншая глыбіня" яшчэ і таму, што ў яе ўкладзены вялікія пачуцці.
Вольга Чамаданава выказала ўпэўненасць, што для асаблівых хлопчыкаў і дзяўчынак і бацькоў з Барані Аршанскага раёна Віцебскай вобласці вялікае шчасце пабываць у Мінску на адкрыцці выставы, якая стала вынікам сумеснай творчасці дзяцей і бацькоў.
"Тры гады штотыднёвых заняткаў даюць свое вынікі. Мы перамагаем на рэспубліканскіх і на міжнародных выставах", - адзначыла ў каментарыі журналістам кіраўнік гуртка філіяла ТЦСАН Аршанскага раёна ў горадзе Барані Ірына Лазарук. Яна расказала, што ідэя намаляваць менавіта клоўнаў з'явілася пасля вяртання з цырка. Клоўны сімвалізуюць смех, жарт і аптымізм. А яшчэ - пераадоленне, гуляючы, перашкод, цяжкасцей у жыцці.
"Мы прадставілі тут каля 30 работ. Удзельнічалі і маці, якія пажадалі паспрабаваць свае сілы ў маляванні. І ў іх усё цудоўна атрымалася", - дадала Ірына Лазарук.
Беларуская асацыяцыя дапамогі дзецям-інвалідам і маладым інвалідам працуе для таго, каб аб'яднаць людзей, у якіх нарадзілася асаблівае дзіця. Выхаванцы асацыяцыі, нягледзячы на асаблівасці ў развіцці, валодаюць шматлікімі талентамі. Яны ўмеюць спяваць, танцаваць, вельмі любяць падарожнічаць, гатаваць розныя смачныя стравы, катацца на конях і інш.
Дзякуючы супрацоўніцтву з ТЦСАН дзецям была прывіта любоў да малявання. Хлопчыкі і дзяўчынкі з Барані малююць ужо больш за тры гады і за гэты малы тэрмін у іх скарбонцы з'явілася вялікая колькасць узнагарод. Так, Насця Бажко на міжрэгіянальным фестывалі творчасці інвалідаў "Зорка Надзеi" ў Лепелі ў 2022 годзе заняла першае месца ў намінацыі "дэкаратыўна-прыкладное мастацтва". У Арсенія Сарокіна тады было другое месца. Ірына Мяжэніна ў 2022-2023 гадах стала пераможцам у конкурсах малюнкаў у Аўстраліі і Фінляндыі. Адбыліся персанальныя выставы Ірыны Мяжэнінай, Паліны Азаранкавай і Хрысціны Канцавой. Цяпер у асацыяцыі спрабуюць маляваць нават самыя цяжкія дзеці.
Праект БСЖ "Іншая глыбіня" аб'ядноўвае людзей розных магчымасцей. Яго ініцыятары хочуць паказаць, што чалавек, незалежна ад яго асаблівасцей, можа ствараць прыгожае.-0-
Выстава работ выхаванцаў Беларускай асацыяцыі дапамогі дзецям-інвалідам і маладым інвалідам з Віцебскай вобласці і іх маці "Вясёлыя клоўны" была падрыхтавана ў 2023 годзе. Сёння яна прадстаўлена ў атрыуме гандлёвага цэнтра "Сталіца" як частка інклюзіўнага праекта Беларускага саюза жанчын "Іншая глыбіня".
Старшыня БСЖ Вольга Шпілеўская звярнула ўвагу, што ў кожную работу ўкладзена душа. "Іншая глыбіня" - праект асаблівых людзей", - сказала яна, дадаўшы, што ў кожнай яго выставе "відаць гэта іншая глыбіня".
Вольга Шпілеўская асаблівую ўвагу ўдзяліла мамам хлопчыкаў і дзяўчынак, назваўшы іх вялікімі беларускімі жанчынамі за іх уменне працаваць з дзецьмі і ўкладвацца ў іх. Таксама яна адзначыла ролю тых людзей, якія своечасова заўважаюць аўтараў і іх цудоўныя работы.
Унікальнасць выставы адзначыла і старшыня Мінскай гарадской арганізацыі Беларускага саюза жанчын Вольга Чамаданава. Паводле яе слоў, гэтыя яркія, вясёлыя карціны, над якімі вялася карпатлівая работа, знайшлі дастойнае месца для экспанавання. Выстава "Вясёлыя клоўны" прадстаўлена як частка праекта "Іншая глыбіня" яшчэ і таму, што ў яе ўкладзены вялікія пачуцці.
Вольга Чамаданава выказала ўпэўненасць, што для асаблівых хлопчыкаў і дзяўчынак і бацькоў з Барані Аршанскага раёна Віцебскай вобласці вялікае шчасце пабываць у Мінску на адкрыцці выставы, якая стала вынікам сумеснай творчасці дзяцей і бацькоў.
"Тры гады штотыднёвых заняткаў даюць свое вынікі. Мы перамагаем на рэспубліканскіх і на міжнародных выставах", - адзначыла ў каментарыі журналістам кіраўнік гуртка філіяла ТЦСАН Аршанскага раёна ў горадзе Барані Ірына Лазарук. Яна расказала, што ідэя намаляваць менавіта клоўнаў з'явілася пасля вяртання з цырка. Клоўны сімвалізуюць смех, жарт і аптымізм. А яшчэ - пераадоленне, гуляючы, перашкод, цяжкасцей у жыцці.
"Мы прадставілі тут каля 30 работ. Удзельнічалі і маці, якія пажадалі паспрабаваць свае сілы ў маляванні. І ў іх усё цудоўна атрымалася", - дадала Ірына Лазарук.
Беларуская асацыяцыя дапамогі дзецям-інвалідам і маладым інвалідам працуе для таго, каб аб'яднаць людзей, у якіх нарадзілася асаблівае дзіця. Выхаванцы асацыяцыі, нягледзячы на асаблівасці ў развіцці, валодаюць шматлікімі талентамі. Яны ўмеюць спяваць, танцаваць, вельмі любяць падарожнічаць, гатаваць розныя смачныя стравы, катацца на конях і інш.
Дзякуючы супрацоўніцтву з ТЦСАН дзецям была прывіта любоў да малявання. Хлопчыкі і дзяўчынкі з Барані малююць ужо больш за тры гады і за гэты малы тэрмін у іх скарбонцы з'явілася вялікая колькасць узнагарод. Так, Насця Бажко на міжрэгіянальным фестывалі творчасці інвалідаў "Зорка Надзеi" ў Лепелі ў 2022 годзе заняла першае месца ў намінацыі "дэкаратыўна-прыкладное мастацтва". У Арсенія Сарокіна тады было другое месца. Ірына Мяжэніна ў 2022-2023 гадах стала пераможцам у конкурсах малюнкаў у Аўстраліі і Фінляндыі. Адбыліся персанальныя выставы Ірыны Мяжэнінай, Паліны Азаранкавай і Хрысціны Канцавой. Цяпер у асацыяцыі спрабуюць маляваць нават самыя цяжкія дзеці.
Праект БСЖ "Іншая глыбіня" аб'ядноўвае людзей розных магчымасцей. Яго ініцыятары хочуць паказаць, што чалавек, незалежна ад яго асаблівасцей, можа ствараць прыгожае.-0-
Падпісвайцеся на нас у
