Сцяг Пятніца, 12 ліпеня 2024
Усе навіны
Усе навіны
Культура
15 лютага 2024, 09:58

Юныя мастакі намалююць Белавежскую пушчу

Фота з архіва
Фота з архіва
15 лютага, Гродна /Кар. БЕЛТА/. Першы Рэспубліканскі пленэр юных мастакоў "Сімфонія Белавежскай пушчы" пройдзе ў Свіслацкім раёне. Аб гэтым паведамілі карэспандэнту БЕЛТА ва ўпраўленні культуры Гродзенскага аблвыканкама.

Пленэр пройдзе пры падтрымцы Міністэрства культуры і Беларускага саюза мастакоў. Яго арганізатарамі выступілі ўпраўленне культуры Гродзенскага аблвыканкама, сектар культуры Свіслацкага райвыканкама, Свіслацкая дзіцячая школа мастацтваў. Удзельнікамі могуць стаць вучні школ, ліцэяў, гімназій, дзіцячых школ мастацтваў і іншых устаноў дадатковай адукацыі дзяцей і моладзі.

Пленэр правядуць у тры этапы. Спачатку патэнцыяльных удзельнікаў выберуць у навучальных установах. На другім этапе ім трэба будзе стварыць мастацкую кампазіцыю "Мая Беларусь". Аўтараў лепшых работ запросяць у Свіслач, дзе 17-18 мая адбудзецца заключны тур пленэру-конкурсу.

За два дні кожнаму фіналісту трэба будзе стварыць дзве работы, прадставіўшы сваё бачанне Нацыянальнага парку "Белавежская пушча". Пераможцаў у трох узроставых групах (7-10, 11-13 і 14-17 гадоў) вызначыць журы ў складзе вядучых педагагічных работнікаў у сферы выяўленчага мастацтва, творчых работнікаў, дзеячаў мастацтва і культуры.  

Аўтараў лепшых твораў чакаюць Гран-пры, дыпломы лаўрэатаў, прызы.

Работы ўдзельнікаў пленэру будуць экспанавацца на перасовачных выставах ва ўстановах адукацыі і культуры.-0-
Падпісвайцеся на нас у
Twitter
Топ-навіны
Свежыя навіны Беларусі