Мабільная версія
ДЗЯРЖОРГАНЫ

Апошнія навіны
Усе навіны

Юбілейная выстава Рыгора Сітніцы прадстаўлена ў мастацкім музеі Беларусі

Культура 14.11.2018 | 13:54
Фота з архіва
Фота з архіва

14 лістапада, Мінск /Кар. БЕЛТА/. Вядомы беларускі графік і паэт Рыгор Сітніца падводзіць вынік 40-гадовай творчасці выставай "Ток" у Нацыянальным мастацкім музеі Беларусі, паведамляе карэспандэнт БЕЛТА.

"На маёй персанальнай выставе прадстаўлена каля 60 графічных і жывапісных работ з 4 серый: "Гаспода", "Прагулка ўздоўж агароджы", "Сустрэтае" і "Артэфакт". Гэты збор разнастайных тэм і вобразаў я назваў "Токам". Паколькі ток - гэта ток крыві, энергіі, жыцця, а таксама ток - месца, дзе нашы продкі абмалочвалі снапы і збіралі ўраджай. На гэтай экспазіцыі акрамя бытавых аб'ектаў я паказаў вобразы помнікаў - знаходак беларускіх археолагаў, а таксама графічныя заметкі з маіх падарожжаў па такіх краінах, як Расія, Кітай, Індыя, Славакія, Польшча", - расказаў мастак.

Рыгора Сітніцу называюць прадстаўніком "сакральнага рэалізму", бо ён не проста піша пейзаж або адлюстроўвае матэрыяльны прадмет. У простыя, здавалася б, рэчы ён укладае асаблівыя сэнсы. "Я спрабую паказаць маладым мастакам, што можна і абсалютна традыцыйнымі матэрыяламі ў традыцыйнай манеры, выкарыстоўваючы самыя банальныя аб'екты (звязкі цыбулі, горкі бульбы, драўляную агароджу, пасечаныя дровы), напісаць такую карціну, якая будзе ўспрымацца як сучасны арт-аб'ект", - адзначыў Рыгор Сітніца.

Выстава "Ток" будзе экспанавацца ў Нацыянальным мастацкім музеі Беларусі да 9 снежня.

Рыгор Сітніца - беларускі мастак-графік, паэт. Лаўрэат рэспубліканскіх біенале жывапісу, графікі, скульптуры (2008, 2010, 2013). Узнагароджаны медалём Францыска Скарыны (2012). Ганаровы акадэмік Расійскай акадэміі мастацтваў (2015). Лаўрэат Нацыянальнай прэміі ў галіне выяўленчага мастацтва (2017). Яго карціны знаходзяцца ў зборах шматлікіх музеяў розных краін свету.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Хто часцей за ўсё наведвае Беларусь па бязвізавым рэжыме Паводле даных на 29 лістапада, магчымасцямі 30-дзённага бязвізавага знаходжання ў Беларусі скарысталіся амаль 179 тыс. грамадзян розных краін.