Мабільная версія
ДЗЯРЖОРГАНЫ
Апошнія навіны
ІНФАГРАФІКА: Студэнты Беларусі
Учора 15:41 Стужка навiн
Усе навіны

Юбілей Ігара Лучанка адзначылі ў Маскве канцэртам "Песняроў" і выстаўкай

Культура 20.09.2018 | 16:25
Фота пасольства Беларусі ў Расіі
Фота пасольства Беларусі ў Расіі

20 верасня, Масква /Эдуард Півавар - БЕЛТА/. Канцэртам Беларускага дзяржаўнага ансамбля "Песняры" і выстаўкай адзначылі 80-гадовы юбілей народнага артыста Беларусі і СССР Ігара Лучанка ў Маскве ў дзелавым і культурным комплексе пасольства Беларусі ў Расіі, паведамілі БЕЛТА ў прэс-службе дыппрадстаўніцтва.

"Без песень Лучанка сёння немагчыма ўявіць музычнае жыццё нашай краіны, - сказаў, адкрываючы вечар, старшы саветнік, начальнік дзелавога і культурнага комплексу Васіль Чэрнік. - Яго творы кранаюць самыя патаемныя струны сэрца, абуджаюць дабро і любоў. Такім жамчужынам яго песеннай лірыкі, як "Алеся", "Жураўлі на Палессе ляцяць", "Вераніка", "Верасы", "Мой родны кут" ужо больш за трыццаць гадоў, а яны як і раней гучаць са сцэны, уваходзяць у кожны дом. Песні кампазітара праслаўляюць сям'ю, бацькоўскі дом, любімую Радзіму".

Незабыўныя хіты вядомага беларускага кампазітара прагучалі ў Маскве ў выкананні Беларускага дзяржаўнага ансамбля "Песняры". Шматлікімі "брава", "біс", працяглымі апладысментамі віталі гледачы выступленне артыстаў.

Спецыяльна да гэтай падзеі Нацыянальны гістарычны музей Беларусі падрыхтаваў выстаўку, прысвечаную жыццёваму і творчаму шляху кампазітара. Госці дыпмісіі азнаёміліся з дакументальнымі матэрыяламі, фатаграфіямі, віншаваннямі, узнагародамі, а таксама асабістымі рэчамі Ігара Лучанка.

З прывітальным словам да гасцей пасольства па відэасувязі звярнуўся і сам юбіляр. Ён падзякаваў беларусам і расіянам за вернасць братэрству, дружбе, любові да музыкі і Айчыны.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Студэнты Беларусі Штогод 17 лістапада адзначаецца Міжнародны дзень студэнтаў - адно з самых папулярных маладзёжных свят. Агульная колькасць студэнтаў у ВНУ Беларусі складае каля 284 тыс. чалавек.