26 лістапада, Гомель /Кар. БЕЛТА/. Выстаўка "Фотавобразы і матэрыялы: японская графіка 1970-х гадоў" адкрыецца 29 лістапада ў Гомелі ў карціннай галерэі Г.Х. Вашчанкі. Аснову экспазіцыі складуць работы 14 мастакоў, якія аказалі істотны ўплыў на развіццё гравюры ў сучасным мастацтве Японіі, паведамілі БЕЛТА ў дзяржаўнай установе.
"1970-я заслужана называюць "залатым векам" японскай графікі на сучасным этапе. Мастакі працавалі на стыку двух відаў візуальнага мастацтва: фатаграфіі і гравюры. Выкарыстоўваючы розныя гравюрныя тэхнікі, яны дабіваліся большай "рэчыўнасці" малюнка, імкнуліся да трансфармацыі ўяўлення гледача аб унутраных і знешніх уласцівасцях твора", - растлумачылі ў карціннай галерэі.
У разнастайнасці работ наведвальнікі экспазіцыі змогуць прасачыць уплыў японскай графікі 1970-х гадоў на фарміраванне і развіццё тэндэнцый актуальнага мастацтва. Усе работы прадставяць у двух раздзелах. Першы раскажа аб ролі фотаздымкаў у працэсе стварэння гравюр. "Другі раскрые канцэпцыю ўнікальнасці ўласцівасцей матэрыялу самога па сабе.
Выстаўка арганізавана пры падтрымцы пасольства Японіі ў Беларусі і японскага фонду. Мерапрыемства прымеркавана да правядзення фестывалю "Японская восень-2018 у Беларусі".
Азнаёміцца з экспазіцыяй можна будзе па 16 снежня.-0-