ДЗЯРЖОРГАНЫДЗЯРЖОРГАНЫ
Флаг Панядзелак, 6 лютага 2023
Мінск Суцэльная воблачнасць -5°C
Усе навіны
Усе навіны
Культура
28 лістапада 2022, 17:12

"Яе рук справа". Педагог з Хойнікаў прадставіла карціны з кавы на выстаўцы ў Мінску

28 лістапада, Мінск /Кар. БЕЛТА/. Педагог дадатковай адукацыі Цэнтра творчасці дзяцей і моладзі Хойнікаў Вікторыя Новікава прадставіла карціны з кавы і апілак у гандлёвым цэнтры "Сталіца" ў Мінску, паведамляе карэспандэнт БЕЛТА.

Вікторыя Анатольеўна любіць адкрываць новае, вучыцца нетрадыцыйным тэхнікам малявання: гэта дазваляе ў поўнай меры праявіць свае творчыя здольнасці, фантазію і ўяўленне.

Тэхніка стварэння карцін з кавы і апілак узнікла невыпадкова. Майстар некалькі месяцаў даследавала розныя матэрыялы, вывучала літаратуру і інтэрнэт-рэсурсы, жадаючы знайсці простую і даступную, але разам з тым незвычайную і новую, тэхніку дэкаратыўна-прыкладнога мастацтва. Пры гэтым была важна прастата выканання, незвычайны эфект, даступнасць матэрыялаў і, вядома, мінімальныя грашовыя затраты.

Вучні з радасцю падтрымліваюць любую ініцыятыву педагога. Таму пад кіраўніцтвам Вікторыі Анатольеўны яны стварылі серыю мініяцюр у новай тэхніцы. Сама майстар так захапілася стварэннем карцін, што з апілак і кавы стварала шэдэўры для ўпрыгажэння інтэр'ера, якія дорыць блізкім і родным людзям.

Праект "Яе работа" стартаваў 17 верасня ў Дзень народнага адзінства. Яго мэта - раскрыць і паказаць шырокаму колу гледачоў талент і прагажосць душы беларускіх жанчын. Удзельніцы праекта - жанчыны розных прафесій: урачы, настаўнікі, работніцы сельскай гаспадаркі і інш. Іх усіх аб'ядноўвае імкненне рабіць сваімі рукамі нешта добрае і светлае.

Як расказала раней старшыня БСЖ Вольга Шпілеўская, на працягу года пройдзе каля 20 выстаў. "Жанчыны з розных куткоў Беларусі, не маючыя спецыяльнай адукацыі, прадставяць свае працы, якія робяць для сябе і для душы. Мы хочам, каб гэтыя творчыя шэдэўры сталі здабыткам шырокага кола людзей. Акрамя таго, адна з прац кожнага аўтара будзе прададзена з аўкцыёну ў канцы года. Прычым жанчыны самі вызначаць, на якую дабрачынную справу пойдуць атрыманыя грошы", - адзначыла Вольга Шпілеўская.

Выстава "Яе рук справа" будзе працаваць на працягу года. Экспазіцыя будзе абнаўляцца кожныя 2-3 тыдні. На заканчэнне праекта плануецца правесці аўкцыён, а атрыманыя сродкі накіраваць на дабрачынныя мэты.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі