Фота palacegomel.by
26 верасня, Гомель /Кар. БЕЛТА/. Выстава "Час/Грошы" адкрываецца 26 верасня ў Гомелі ў цэнтральнай частцы палаца Румянцавых і Паскевічаў. Аб гэтым паведамілі БЕЛТА у Гомельскім палацава-паркавым ансамблі.
"Кожны дзень арыфметыка тандэма "Час/Грошы" вызначае нашу працу, вольны час, знешні выгляд, настрой і шмат іншага. Мы трацім свой час, каб зарабіць грошы, каб патраціць іх на час, напоўнены тым, што прыносіць нам радасць і задавальненне, і потым цыкл паўтараецца. Гэтыя два самыя каштоўныя рэсурсы, дзве меркі так надзейна спаяны ў механізме сучаснага свету, што раздзяляць іх у рамках экспазіцыі было б нелагічным", - падкрэслілі ў дзяржаўнай гісторыка-культурнай установе.
Выстава прапануе больш шырокі і алегарычны погляд на даўнюю і трывалую сувязь часу і грошай, чым той, які абазначыў у сваіх працах аўтар знакамітага афарызма Бенджамін Франклін.
"Аб'ядноўваючы ў экспазіцыі грашовыя знакі і гадзіннікавыя механізмы розных часавых перыядаў, мы прасочым, як, змяняючы форму, дызайн, наміналы і назвы банкнотаў, змянялі адна адну цэлыя эпохі, а таксама адсочым цікавы феномен: як эканамічныя працэсы, сацыяльныя адносіны, культурныя ўстаноўкі і іншыя складаныя катэгорыі былі зафіксаваны ў, здавалася б, такім звычайным і рэчавым - папяровых грашах, што аказаліся пры ўважлівым разглядзе і вывучэнні не проста ўтылітарнымі прадметамі, якім адмераны кароткі тэрмін, а своеасаблівымі самапісцамі часу", - расказалі аб выставе арганізатары.
Завяршальнымі штрыхамі да партрэтаў эпох стануць старадаўнія фатаграфіі, тэматычныя прадметы побыту і творы мастацтва.-0-
"Кожны дзень арыфметыка тандэма "Час/Грошы" вызначае нашу працу, вольны час, знешні выгляд, настрой і шмат іншага. Мы трацім свой час, каб зарабіць грошы, каб патраціць іх на час, напоўнены тым, што прыносіць нам радасць і задавальненне, і потым цыкл паўтараецца. Гэтыя два самыя каштоўныя рэсурсы, дзве меркі так надзейна спаяны ў механізме сучаснага свету, што раздзяляць іх у рамках экспазіцыі было б нелагічным", - падкрэслілі ў дзяржаўнай гісторыка-культурнай установе.
Выстава прапануе больш шырокі і алегарычны погляд на даўнюю і трывалую сувязь часу і грошай, чым той, які абазначыў у сваіх працах аўтар знакамітага афарызма Бенджамін Франклін.
"Аб'ядноўваючы ў экспазіцыі грашовыя знакі і гадзіннікавыя механізмы розных часавых перыядаў, мы прасочым, як, змяняючы форму, дызайн, наміналы і назвы банкнотаў, змянялі адна адну цэлыя эпохі, а таксама адсочым цікавы феномен: як эканамічныя працэсы, сацыяльныя адносіны, культурныя ўстаноўкі і іншыя складаныя катэгорыі былі зафіксаваны ў, здавалася б, такім звычайным і рэчавым - папяровых грашах, што аказаліся пры ўважлівым разглядзе і вывучэнні не проста ўтылітарнымі прадметамі, якім адмераны кароткі тэрмін, а своеасаблівымі самапісцамі часу", - расказалі аб выставе арганізатары.
Завяршальнымі штрыхамі да партрэтаў эпох стануць старадаўнія фатаграфіі, тэматычныя прадметы побыту і творы мастацтва.-0-
Падпісвайцеся на нас у
