Мабільная версія
ДЗЯРЖОРГАНЫ

Апошнія навіны
Усе навіны

Грамадскае абмеркаванне кандыдатаў на прэміі СД у галіне літаратуры і мастацтва пачнецца 24 чэрвеня

Культура 18.06.2019 | 19:20

18 чэрвеня, Масква /Эдуард Півавар - БЕЛТА/. Грамадскае абмеркаванне твораў, адабраных для ўдзелу ў конкурсе на саісканне прэмій Саюзнай дзяржавы ў галіне літаратуры і мастацтва за 2019-2020 гады, пройдзе з 24 чэрвеня па 6 верасня, паведамілі БЕЛТА ў Пастаянным камітэце Саюзнай дзяржавы.

У адпаведнасці з палажэннем аб прэміях, зацверджаным Саветам Міністраў Саюзнай дзяржавы, экспертным саветам пры Пастаянным камітэце Саюзнай дзяржавы, для ўдзелу ў конкурсе на саісканне ўзнагарод адабраны чатыры прэтэндэнты. Ад беларускага боку - гэта галоўны дырыжор Прэзідэнцкага аркестра Беларусі Віктар Бабарыкін (за канцэртныя праграмы 2009-2018 гадоў), салістка Вялікага тэатра оперы і балета Беларусі Аксана Волкава (за серыю сцэнічных вобразаў у галіне музычнага мастацтва і канцэртныя праграмы 2009-2018 гадоў) і народны артыст Беларусі кіраўнік Тэатра-студыі кінаакцёра кінарэжысёр Аляксандр Яфрэмаў (за кінафільмы выхаваўчага і патрыятычнага характару, прысвечаныя гераічнай барацьбе савецкага народа з нямецка-фашысцкімі захопнікамі ў час Вялікай Айчыннай вайны, спектаклі рускай і сусветнай драматургіі 1994-2018 гадоў). Ад Расіі на прэмію вылучаны аўтарскі калектыў мультыплікатараў за цыкл адукацыйных анімацыйных фільмаў "Казкі старога піяніна".

"Прэміі Саюзнай дзяржавы ў галіне літаратуры і мастацтва прысуджаюцца за творы літаратуры і мастацтва, якія ўносяць вялікі ўклад ва ўмацаванне адносін братэрства, сяброўства і ўсебаковага супрацоўніцтва паміж дзяржавамі - удзельніцамі Саюзнай дзяржавы, аўтарамі якіх з'яўляюцца грамадзяне Беларусі і Расіі, - нагадалі ў Пастаянным камітэце. - Прэміі прысуджаюцца адзін раз у два гады. Памер адной прэміі складае 5 млн расійскіх рублёў. Рашэнне аб прысуджэнні прэмій прымае Вышэйшы Дзяржаўны савет Саюзнай дзяржавы".

Упершыню прэмія была прысуджана ў 2002 годзе. Тады яе ўладальнікамі сталі расійскі акцёр Аляксей Пятрэнка, беларускі драматург Аляксей Дудараў і народны пісьменнік Беларусі Іван Шамякін. Пазней лаўрэатамі гэтай узнагароды станавіліся мастакі Міхаіл Савіцкі, Леанід Шчамялёў, Георгій Паплаўскі і Валянцін Сідараў, акцёры Аляксандр Калягін, Расціслаў Янкоўскі і Уладзімір Гасцюхін, кампазітар Аляксандра Пахмутава, дырыжор Міхаіл Фінберг і іншыя вядомыя майстры культуры Беларусі і Расіі.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Рэканструкцыя плошчы Перамогі З ліпеня 2019 года па май 2020 года ў Мінску запланаваны капітальны рамонт плошчы Перамогі.