20 снежня, Гомель /Кар. БЕЛТА/. Гомельскі палацава-паркавы ансамбль прэзентуе археалагічныя знаходкі. Лекцыя-прэзентацыя аб выніках раскопак і новых паступленнях у музей адбудзецца 22 снежня, паведамілі БЕЛТА ва ўстанове.
Супрацоўнікі музея азнаёмяць з новымі паступленнямі прадметаў археалогіі ў фонды ўстановы, а таксама з вынікамі навуковых пошукаў.
На лекцыі-прэзентацыі прадставяць матэрыялы даследаванняў экспедыцый супрацоўнікаў музея, а таксама ўніверсітэта ГДУ імя Ф.Скарыны пад кіраўніцтвам доктара гістарычных навук Алега Макушнікава.
"У нас ёсць што расказаць і паказаць. І мы прапануем унікальную магчымасць азнаёміцца з матэрыяламі комплексу помнікаў, дзе сумесна пражывалі радзімічы і дрыгавічы, пахавальным абрадам X стагоддзя, даведацца аб межах помнікаў археалогіі і крыху аб архітэктуры Гомеля", - расказалі ва ўстанове.
Прэзентацыя пройдзе ў Белай гасцінай палаца Румянцавых і Паскевічаў у 17.30.-0-
