ДЗЯРЖОРГАНЫДЗЯРЖОРГАНЫ
Флаг Субота, 24 верасня 2022
Мінск Ясна +7°C
Усе навіны
Усе навіны
Культура
07 снежня 2021, 09:45

Гомельскі маладзёжны тэатр рыхтуе казку пра вясёлага эльфа і злую чараўніцу

Фота з архіва
Фота з архіва

7 снежня, Гомель /Кар. БЕЛТА/. Гомельскі гарадскі маладзёжны тэатр рыхтуе да навагодніх свят спектакль для дзяцей "Казка пра вясёлага эльфа і злую чараўніцу" паводле твора Уладзіміра Ілюхава, паведаміла карэспандэнту БЕЛТА дырэктар тэатра Алена Маставенка.

Маленькіх гледачоў чакае цікавая, яркая, музычная гісторыя пра тое, як добры, вясёлы, шчыры і вельмі даверлівы эльф пападаецца на хітрасці чараўніцы Клуці, якая любіць паласавацца маленькімі эльфамі.

"Злыя чараўніцы здольныя зачараваць на 100 гадоў, ператварыць чалавека ў жабу і прынесці шмат бед. Але ў казках ім заўсёды процістаіць добрая сіла - любоў, вернасць, храбрасць. І сумленная, адданая дружба будзе мацнейшай за каварства. Дабро пераможа", - падзялілася дырэктар.

Над пастаноўкай працуюць рэжысёр Яна Янчык, мастак Вольга Шчарбінская, балетмайстар Варвара Каменская.

Перад пачаткам спектакля юных тэатралаў сустрэнуць Дзед Мароз і Снягурачка.

Паглядзець казку ў маладзёжным тэатры можна будзе з 18 снежня па 9 студзеня 2022 года.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі