27 сакавіка, Гомель /Кар. БЕЛТА/. Гомельскі абласны драматычны тэатр 28 сакавіка запрашае ў госці вучняў тэатральных аддзяленняў дзіцячых школ мастацтваў рэгіёна на дзень адкрытых дзвярэй, паведамілі БЕЛТА ў тэатры.
Дзень адкрытых дзвярэй прымеркавалі да прафесійнага свята - Сусветнага дня тэатра, які адзначаецца 27 сакавіка.
Для дзяцей падрыхтавалі экскурсіі па тэатральным закуліссі, майстар-класы, якія правядуць вядучыя акцёры аблдрамтэатра.
Юныя артысты змогуць даведацца аб гісторыі і сучасных рэаліях тэатра, аб састаўных частках акцёрскага майстэрства - сцэнічнай мове, сцэнічным руху, пластыцы і харэаграфіі, вакале і выкананні драматычных, празаічных і паэтычных твораў. У гэтым ім дапамогуць мастацкі кіраўнік тэатра Сяргей Лагуценка, акцёры Настасся Задорына, Дзмітрый Байкоў, Дзмітрый Попчанка, Марыя Хадзякова, Лізавета Альхоўка.-0-
