Мабільная версія
ДЗЯРЖОРГАНЫ

Апошнія навіны
Усе навіны

Гомельскі аблдрамтэатр у сакавіку запросіць гледачоў на "Французскую вячэру"

Культура 06.02.2019 | 11:44
Фота Гомельскага абласнога драматычнага тэатра
Фота Гомельскага абласнога драматычнага тэатра

6 лютага, Гомель /Кар. БЕЛТА/. Гомельскі абласны драматычны тэатр рыхтуе прэм'еру камедыі "Французская вячэра" паводле п'есы Марка Камалеці "Піжама на шасцярых". Прэм'ерныя паказы пройдуць у сакавіку. Новую пастаноўку прымяркуюць да Міжнароднага жаночага дня, паведаміў карэспандэнту БЕЛТА прэс-сакратар дзяржаўнай установы Уладзімір Ступінскі.

"Рэцэпт сапраўднай французскай вячэры просты. Пад адным дахам трэба сабраць мужа, жонку, палюбоўніцу мужа, палюбоўніка жонкі (па сумяшчальніцтве сябра мужа), кухарку і яе мужа. Усё гэта добра трэба перамяшаць з франкавымі купюрамі, дабавіць дарагую шубку і каштоўнае калье - нясумны вечар гарантаваны", - расказаў Уладзімір Ступінскі.

Глядач стане сведкам, як сямейнае жыццё французскай пары ператвараецца ў заблытаны клубок адносін, сплецены з недагаворанасці, інтрыг, прытворства, здрады, як героі трапляюць у недарэчныя і смешныя сітуацыі і як яны змогуць разблытаць гэты клубок няпраўды.

"Піжама на шасцярых" - адна з самых паспяховых п'ес Марка Камалеці. Упершыню была пастаўлена ў парыжскім тэатры Michel у 1985 годзе, вытрымала 900 паказаў, перакладзена на многія мовы свету.

Пастаноўку камедыі ў Гомелі ажыццяўляе даўні сябар аблдрамтэатра, мастацкі кіраўнік Чарнігаўскага абласнога акадэмічнага ўкраінскага музычна-драматычнага тэатра імя Т.Г.Шаўчэнкі Андрэй Бакіраў. "Гомельскай публіцы вядомы такія яго сцэнічныя работы, як "12-я ноч", "Загоншчыкі агню", "Пярэварацень або Смерць Тарэлкіна", "Тэатр", "Ля-гушкі", - адзначыў прэс-сакратар.

У тэатры плануюць, што новая пастаноўка стане міжнародным праектам - у Чарнігаве гэты спектакль ужо ідзе, таму гомельскія акцёры змогуць выканаць галоўныя ролі на чарнігаўскай сцэне і наадварот.

Над стварэннем касцюмаў для камедыі ў Гомелі працуе мастак Таццяна Стысіна. У пастаноўцы заняты акцёры Настасся Задорына, Сяргей Лагуценка, Юрый Марціновіч, Таццяна Кандраценка, Вера Грыцкевіч, Ала Леная, Міхаіл Грышачкін, Сяргей Арцёменка.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Работа ўстаноў аховы здароўя ў выхадныя і святочныя дні ў маі У час святочных мерапрыемстваў будуць дзяжурыць медыкі. Службы хуткай медыцынскай дапамогі будуць пераведзены ў рэжым павышанай гатоўнасці.