ДЗЯРЖОРГАНЫДЗЯРЖОРГАНЫ
Флаг Пятніца, 9 снежня 2022
Мінск -3°C
Усе навіны
Усе навіны
Культура
24 лютага 2022, 13:35

Гомельскі аблдрамтэатр рыхтуе прэм'еру вясельнай камедыі

24 лютага, Гомель /Кар. БЕЛТА/. Трупа Гомельскага абласнога драматычнага тэатра напярэдадні Сусветнага дня тэатра прадставіць прэм'еру камедыі ў дзвюх дзеях "Вяселля не будзе! Але гэта недакладна..." паводле п'есы Робіна Хоўдана "Шыкоўнае вяселле", паведамілі карэспандэнту ў дзяржаўнай установе.

"Як быць, калі твой шлюб ужо сёння, а раніцай у тваім гасцінічным нумары раптам з'явілася цудоўная незнаёмка? Ты зусім не помніш, адкуль яна ўзялася, што паміж вамі было, а ў дзверы нумара ўжо стукаецца нявеста. Застаецца спадзявацца толькі на вернага сябра, шанцаванне і ўласную вынаходлівасць - яе спатрэбіцца нямала, каб выкруціцца з пікантнай сітуацыі. А інакш будучае вяселле ператворыцца ў кашмар", - сцісла апісалі сюжэтную лінію ў тэатры. Словам, гледачы стануць сведкамі апошніх гадзін перад вяселлем - вясёлых і вельмі напружаных і нават небяспечных.

Рэжысёр-пастаноўшчык спектакля - Андрэй Шыдлоўскі, мастак-пастаноўшчык - Таццяна Стысіна, музычнае афармленне - Дзмітрый Нябераў.

У спектаклі заняты акцёры Дзмітрый Байкоў, Міхаіл Грышачкін, Святлана Яфімава, Лізавета Альхоўка, Віталія Цішкова, Марыя Хадзякова і Хрысціна Шыпкова.

Прэм'ерныя паказы пройдуць 12, 13 і 27 сакавіка. Пачатак у 18 гадзін.

Перад пачаткам спектакляў 12 і 13 сакавіка адбудуцца модныя паказы вясельнага і вячэрняга адзення.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі