Мабільная версія
ДЗЯРЖОРГАНЫ

Апошнія навіны
Усе навіны

Гомельская філармонія адкрые сезон канцэртам "Віват, Музыка!"

Культура 26.09.2019 | 09:51
Фота з архіва
Фота з архіва

26 верасня, Гомель /Кар. БЕЛТА/. Гомельская абласная філармонія адкрые 53-і музычны сезон 1 кастрычніка канцэртам "Віват, Музыка!", паведамілі карэспандэнту БЕЛТА ў дзяржаўнай установе.

У праграме прагучаць творы розных жанраў і напрамкаў - ад "Урачыстага паланэза" Міхаіла Глінкі з оперы "Іван Сусанін" да папуры "Рапсодыя каралёў рока" на песні легендарнай групы Queen, ад лірычнай "Якім ты быў" Ісаака Дунаеўскага і Міхаіла Ісакоўскага да яскравага танга Оblivion Астара П'яцолы. Кампазіцыі выканаюць эстрадна-сімфанічны аркестр імя Ю.А.Васілеўскага, камерны хор, інструментальнае трыа "Лірыца", а таксама салісты філармоніі. Выступіць на канцэрце ў гэты вечар і беларуская група "Лепрыконсы". Гледачы змогуць падпяваць артыстам папулярныя песні.

У філармоніі расказалі, што ў новым сезоне калектывы рыхтуюць праграмы для гледачоў розных узростаў і паклоннікаў розных творчых напрамкаў. Так, 18 кастрычніка эстрадна-сімфанічны аркестр імя Ю.А.Васілеўскага прадставіць на біс музычны падарунак для паклоннікаў рока - канцэрт In Rock Style. Са сцэны ДК "Чыгуначнікаў" прагучаць хіты Scorpions, Led Zeppelin, Queen, Aerosmith, Metallica, Pink Floyd, Kiss. "Рок у аркестравым выкананні - гэта калейдаскоп наватарскіх ідэй, эксперыментаў і адкрыццяў. І артысты зробяць усё гэта правакацыйна, свежа і экстравагантна", - абяцаюць арганізатары.

Для паклоннікаў саўндтрэкаў з мультфільмаў розных краін і часоў выхаванцы прадзюсарскага цэнтра філармоніі ARTBiz рыхтуюць праграму "Мультыманія", запланаваную на 5 лістапада ў ГЦК.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь у рэйтынгу дзяржаў па індэксе развіцця чалавека Штогадовыя глабальныя даклады аб чалавечым развіцці публікуюцца ПРААН з 1990 года.