25 кастрычніка, Мінск /Кар. БЕЛТА/. Выстава рэспубліканскага мастацкага конкурсу Viva Kola Art адкрылася ў Палацы мастацтва, перадае карэспандэнт БЕЛТА.
Праект Viva Kola Art, які гарманічна спалучае ў сабе спорт і мастацтва, быў запушчаны ў 2023 годзе і атрымаў рэзананс як у мастацкіх колах, так і сярод спартыўнай грамадскасці. Калі ў мінулым годзе работы былі ў асноўным прысвечаны веласпорту, то ў гэтым годзе прадстаўлены карціны і на тэмы хакея, біятлона, гімнастыкі, тэніса, лыжных гонак, а таксама партрэты алімпійскіх чэмпіёнаў.
Першы намеснік Беларускага саюза мастакоў, мастацтвазнавец Наталля Шаранговіч адзначыла, што на выставе можна ўбачыць цудоўныя работы ад больш як 200 аўтараў. "Хоць адбор быў даволі жорсткі. Мы хацелі, каб работы ўсё ж такі адносіліся канкрэтна да заяўленай тэмы. Тут можна ўбачыць усё, ад класікі да авангарда. І гэта ўсё будзе пра спорт", - дадала Наталля Шаранговіч.
"У адрозненне ад мінулага года ў гэтым годзе ў нас вельмі шмат мастакоў з рэгіёнаў. Напэўна, яны паверылі ў тое, што пра спорт могуць гаварыць мастакі любога ўзросту з любой кропкі нашай Беларусі. Менавіта гэта зрабіла выставу такой разнастайнай", - звярнула ўвагу яна.
"Нельга забываць, што гэта выстава-конкурс. Напэўна, момант спаборнасці, які прысутнічае ў спорце, ёсць і ў мастацтве", - падкрэсліла Наталля Шаранговіч.
У гэтым годзе аўтарытэтнае журы вызначыць пераможцаў і лаўрэатаў у намінацыях: "Гран-пры конкурсу", "Арт-аб'ект", "Графіка", "Дэкаратыўна-прыкладное мастацтва", "Дызайн", "Жывапіс", "Скульптура", "Творчы дэбют", "Фатаграфія рэпартажная", "Фатаграфія мастацкая". Гледачы змогуць прагаласаваць за работы, што спадабаліся, якія будуць прэтэндаваць на "Прыз сімпатый гледачоў".
Экспазіцыя прадоўжыць работу да 30 лістапада.-0-
Праект Viva Kola Art, які гарманічна спалучае ў сабе спорт і мастацтва, быў запушчаны ў 2023 годзе і атрымаў рэзананс як у мастацкіх колах, так і сярод спартыўнай грамадскасці. Калі ў мінулым годзе работы былі ў асноўным прысвечаны веласпорту, то ў гэтым годзе прадстаўлены карціны і на тэмы хакея, біятлона, гімнастыкі, тэніса, лыжных гонак, а таксама партрэты алімпійскіх чэмпіёнаў.
Першы намеснік Беларускага саюза мастакоў, мастацтвазнавец Наталля Шаранговіч адзначыла, што на выставе можна ўбачыць цудоўныя работы ад больш як 200 аўтараў. "Хоць адбор быў даволі жорсткі. Мы хацелі, каб работы ўсё ж такі адносіліся канкрэтна да заяўленай тэмы. Тут можна ўбачыць усё, ад класікі да авангарда. І гэта ўсё будзе пра спорт", - дадала Наталля Шаранговіч.
"У адрозненне ад мінулага года ў гэтым годзе ў нас вельмі шмат мастакоў з рэгіёнаў. Напэўна, яны паверылі ў тое, што пра спорт могуць гаварыць мастакі любога ўзросту з любой кропкі нашай Беларусі. Менавіта гэта зрабіла выставу такой разнастайнай", - звярнула ўвагу яна.
"Нельга забываць, што гэта выстава-конкурс. Напэўна, момант спаборнасці, які прысутнічае ў спорце, ёсць і ў мастацтве", - падкрэсліла Наталля Шаранговіч.
У гэтым годзе аўтарытэтнае журы вызначыць пераможцаў і лаўрэатаў у намінацыях: "Гран-пры конкурсу", "Арт-аб'ект", "Графіка", "Дэкаратыўна-прыкладное мастацтва", "Дызайн", "Жывапіс", "Скульптура", "Творчы дэбют", "Фатаграфія рэпартажная", "Фатаграфія мастацкая". Гледачы змогуць прагаласаваць за работы, што спадабаліся, якія будуць прэтэндаваць на "Прыз сімпатый гледачоў".
Экспазіцыя прадоўжыць работу да 30 лістапада.-0-
Падпісвайцеся на нас у
