17 лютага, Мінск /Кар. БЕЛТА/. З 14 лютага па 5 красавіка ў вялікай выставачнай зале палаца Радзівілаў праходзіць міжнародная выстаўка "Модныя дамы ў Нясвіжы". Аснову часовай экспазіцыі складаюць унікальная персанальная калекцыя ўбораў княгіні Ганны Радзівіл з Любамірскіх, а таксама рэканструкцыі жаночых строяў ХІХ стагоддзя, вырабленыя па партрэтах адпаведнай эпохі. У арганізацыі і правядзенні праекта задзейнічаны партнёры з Польшчы і Беларусі - Музей у Польшчы, Фонд Nomina Rosae (Польшча), музей "Замкавы комплекс "Мір" (Беларусь), Польскі інстытут у Мінску (Беларусь). Таксама на выстаўцы прадстаўлены арыгінальныя прадметы з калекцыі князя Мацея Радзівіла (Польшча).-0-
Фота Аксаны Манчук