18 снежня, Гомель /Кар. БЕЛТА/. Новая пастаянна дзеючая экспазіцыя "Інтэр'ерны комплекс у стылі эпохі Напалеона III" адкрылася 17 снежня ў Гомельскім палацава-паркавым ансамблі. Прэзентацыя экспазіцыі прайшла ў імправізаванай форме французскага салона ў палацы Румянцавых і Паскевічаў. Салонам раней называлі пакой для прыёму гасцей, які таксама называўся гасцінай або залай. У год свайго 100-годдзя скарбніца музея Гомельскага палацава-паркавага ансамбля папоўнілася прадметамі інтэр'ернай абстаноўкі, выкананымі ў стылі эпохі Напалеона ІІІ. Гэты музейны комплекс размясціўся ў адной з залаў на другім паверсе палаца.-0-
Фота Сяргея Халадзілана
