30 ліпеня, Гродна /Кар. БЕЛТА/. Кожную сераду ў 18.00 адкрытая пляцоўка каля цэнтра "Фестывальны" ў Гродне становіцца эксперыментальнай сцэнай для арт-вечарынак.
Сам культурны цэнтр прысвечаны фестывалю нацыянальных культур - аднаму з брэндаў Гродна. Таму канцэрты праходзяць з нацыянальным каларытам. Госці атрымліваюць магчымасць азнаёміцца не толькі з беларускай культурай, але і з традыцыямі і асаблівасцямі іншых нацыянальнасцей, якія пражываюць у краіне.
Арганізатар арт-пляцоўкі - культурны цэнтр "Фестывальны" Гродзенскага гарадскога цэнтра культуры.-0-
Фота Леаніда Шчаглова