7 чэрвеня, Мінск /Кар. БЕЛТА/. Экспазіцыя Дзіцячага музея ў Полацку размяшчаецца ў будынку, які з'яўляецца помнікам архітэктуры канца XIX - пачатку XX стагоддзяў. Музей уваходзіць у склад Нацыянальнага Полацкага гісторыка-культурнага музея-запаведніка. У яго экспазіцыі 930 прадметаў з фондаў музея-запаведніка.
Дзве першыя экспазіцыйныя залы музея знаёмяць наведвальнікаў з рознымі прадметамі: гадзіннікамі, паддужнымі званочкамі, фотаапаратамі, самаварамі і многім іншым. Дапаўненнем гэтых залаў стала, адкрытая ў кастрычніку 2018 года, экспазіцыя - "Падарожжа з кніжнай закладкай".
Увазе наведвальнікаў прапануюцца дзіцячыя кнігі, цацкі, "чароўныя" прадметы з казак. Аматарам марскіх падарожжаў будзе цікавы комплекс для гульні "Яхта". Своеасаблівай візітнай карткай музея сталі скульптуры Ваўла Вайніцкага "Шкаляр" (2004 год) і "Дзяўчынка з сонечным гадзіннікам" (2005 год).-0-
Фота Аляксандра Хітрова