Мабільная версія
ДЗЯРЖОРГАНЫ
Апошнія навіны
ІНФАГРАФІКА: Студэнты Беларусі
Учора 15:41 Стужка навiн
Усе навіны

Фільм пра БелАЗы заваяваў дзве ўзнагароды фестывалю карпаратыўнага відэа ў Канах

Культура 11.10.2018 | 11:38

11 кастрычніка, Мінск /Кар. БЕЛТА/. Карпаратыўны фільм "Гонка кантынентаў" кінапраекта "БелАЗ 70" заваяваў дзве ўзнагароды міжнароднага фестывалю The Cannes Corporate Media & TV Awards. Такая інфармацыя размешчана на сайце БелАЗа, паведамляе БЕЛТА.

Ён удастоены прыза "Залаты дэльфін" у намінацыі "Лепшы карпаратыўны фільм" і прыза "Сярэбраны дэльфін" - у намінацыі "Унутраныя камунікацыі". Кінаролік зняла новасібірская кампанія LBL-Production.

Паводле задумы аўтараў, фільм павінен адлюстроўваць магутнасць тэхнікі беларускага прадпрыемства, якая аднолькава паспяхова працуе ў розных кліматычных умовах. Паказаны адначасовы старт 220-тонных БелАЗаў у расійскім Кемераве і паўднёваафрыканскім Кейптаўне, пагрузка, разгрузка, упэўнены рух па тэхналагічных дарогах. "Хто пераможа ў найскладанейшых кліматычных умовах "Гонкі кантынентаў"? У любым выпадку выйграе кар'ерны самазвал БелАЗ, здольны працаваць і сібірскай зімой, і афрыканскім летам. Беларускі аўтазавод ніколі не спыняецца ў сваім развіцці, ствараючы на працягу вось ужо 70 гадоў машыны, запатрабаваныя ва ўсім свеце", - адзначаюць аўтары фільма.

The Cannes Corporate Media & TV Awards - адзін з самых прэстыжных аглядаў карпаратыўных і дакументальных тэлефільмаў. У складзе журы фестывалю лаўрэаты прэмій "Оскар" і "Эмі".-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Студэнты Беларусі Штогод 17 лістапада адзначаецца Міжнародны дзень студэнтаў - адно з самых папулярных маладзёжных свят. Агульная колькасць студэнтаў у ВНУ Беларусі складае каля 284 тыс. чалавек.