ДЗЯРЖОРГАНЫДЗЯРЖОРГАНЫ
Флаг Нядзеля, 25 верасня 2022
Мінск Малавоблачна +8°C
Усе навіны
Усе навіны
Культура
21 снежня 2021, 09:12

Феерверк мелодый і эмоцый чакае брастаўчан на калядным вечары з сімфанічным аркестрам

21 снежня, Брэст /Кар. БЕЛТА/. У Брэсцкім акадэмічным тэатры драмы сёння адбудзецца канцэрт "Калядны вечар з сімфанічным аркестрам", паведамілі карэспандэнту БЕЛТА ў БАТД.

Канцэрт у двух аддзяленнях складаецца выключна з твораў класіка танцавальнай музыкі Іагана Штрауса-старэйшага, а таксама яго сына - Штрауса-малодшага. У праграму ўключаны вядомыя вальсы і полькі аўстрыйскага кампазітара. Вакальныя партыі выканае заслужаная артыстка салістка Вялікага тэатра Беларусі Алена Шведава (каларатурнае сапрана). У прыватнасці, публіка пачуе вальсы "Казкі Венскага лесу", "Вясеннія галасы", польку-мазурку Fata Morgana.

"Іграць Штрауса на навагоднія і калядныя святы - сусветная і еўрапейская традыцыя, і мы стараемся ад яе не адыходзіць. У пачатку канцэрта прагучыць уверцюра да аперэты Waldmeister. Гэта яркая, жартаўлівая музыка, там феерверк мелодый і эмоцый, - падзяліўся дырыжор сімфанічнага аркестра Аляксандр Сасноўскі. - Я шчаслівы, што ў Брэст прыедзе лепшая выканаўца твораў Іагана Штрауса ў Беларусі Алена Шведава. Гэта каларутарнае сапрана вышэйшай пробы. Яе фермата (высокай доўгай ноце) стоячы апладзіравалі трохтысячныя залы ў Барселоне і Мадрыдзе".

Акрамя анансаваных у праграме твораў запланаваны і музычныя сюрпрызы. Адзін з іх чакае слухачоў у другім аддзяленні канцэрта. Напісаная для аркестра Штраусам-сынам полька "Ганна" прагучыць з тэкстам на нямецкай мове. А "беларускі салавей", як называюць Алену Шведаву, паўстане перад публікай у вельмі экстравагантным вобразе.

"Словам, будзе цікавы вечар іскрамётных мелодый, прыгожай, неўвядальнай музыкі Іагана Штрауса, якая так адпавядае пераднавагодняму, каляднаму настрою", - сказаў на заканчэнне дырыжор.

Наступная сустрэча з калектывам адбудзецца на XXXIV Міжнародным фестывалі класічнай музыкі "Студзеньскія музычныя вечары", які пройдзе ў Брэсце з 9 па 12 студзеня. Сімфанічны аркестр БАТД пад кіраўніцтвам Аляксандра Сасноўскага сыграе на адкрыцці і закрыцці музычнага форуму.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі