ДЗЯРЖОРГАНЫДЗЯРЖОРГАНЫ
Флаг Пятніца, 3 снежня 2021
Мінск Суцэльная воблачнасць -2°C
Усе навіны
Усе навіны
Культура
15 жніўня 2017, 13:56

Евангелле 1600 года прадставяць на выстаўцы да 500-годдзя беларускага кнігадрукавання ў НММ

Уладзімір Пракапцоў. Фота з архіва
Уладзімір Пракапцоў. Фота з архіва

15 жніўня, Мінск /Кар. БЕЛТА/. Евангелле 1600 года прадставяць на выстаўцы да 500-годдзя беларускага кнігадрукавання ў Нацыянальным мастацкім музеі Беларусі 20 верасня, паведаміў сёння на прэс-канферэнцыі ў Мінску генеральны дырэктар музея Уладзімір Пракапцоў, перадае карэспандэнт БЕЛТА.

Гэта найбольш ранняе Евангелле з 15 беларускіх выданняў, якія ёсць у музеі. Евангелле з сігнатурамі 1600 года з друкарні братоў Мамонічаў у Вільні з чатырма гравюрамі евангелістаў, дэкаратыўнымі застаўкамі і канцоўкамі барочнага стылю ў 1942-м было пераплецена нанава і цяпер мае аклад з металічнымі накладкамі, вугольнікамі.

Евангелле рэстаўрыруе ў музеі спецыяліст высокай кваліфікацыі Андрэй Крапіўка. У паслужным спісе майстра - рэстаўрацыя выданняў Францыска Скарыны, многія з іх знаходзяцца ў Нацыянальнай бібліятэцы Беларусі. Пераплёт Евангелля будзе рэканструяваны па сучасных тэхналогіях з захаваннем аўтэнтычных памераў і матэрыялаў.

Як расказаў Уладзімір Пракапцоў, музейная калекцыя кніг фарміруецца з 1954 года, з моманту паступлення ў фонд рукапіснага Евангелля XVI ст. Цяпер калекцыя музея налічвае 192 адзінкі. Гэта рукапісныя кнігі і выданні, надрукаваныя лацінскім і кірылаўскім шрыфтам у XVI - пачатку XX ст. у Беларусі, Расіі, Украіне. Адно выданне - на румынскай мове, на беларускай мове яны сустракаюцца рэдка. Фарміраванне калекцыі звязана ў многім з экспедыцыйнай дзейнасцю супрацоўнікаў музея пасля Вялікай Айчыннай вайны. Рарытэты набываюцца таксама ў прыватных асоб, ёсць падораныя кнігі, тыя, што закупляюцца праз букіністычныя магазіны, некаторыя выданні перададзены дзяржустановамі. У асноўным гэта кнігі рэлігійнага зместу.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі