ДЗЯРЖОРГАНЫДЗЯРЖОРГАНЫ
Флаг Нядзеля, 4 снежня 2022
Мінск Суцэльная воблачнасць -7°C
Усе навіны
Усе навіны
Культура
21 сакавіка 2022, 15:01

Эвалюцыя амуніцыі: у Мінскай ратушы адкрылася выстаўка даспехаў

Фота з архіва
Фота з архіва

21 сакавіка, Мінск /Кар. БЕЛТА/. У Мінскай гарадской ратушы адкрылася выстаўка "Ferrum Bellum. Ваенна-гістарычная рэканструкцыя", якая знаёміць з беларускім кавальскім майстэрствам, паведамілі БЕЛТА ва ўстанове.

"Усе даспехі, прадстаўленыя на выстаўцы, выраблены па гістарычных узорах і здольны ажыццяўляць сваю галоўную функцыю - абараняць уладальніка. Важныя штрыхі экспазіцыі - выразна рэканструяваныя макеты ўзбраення, якія дапамогуць прасачыць за развіццём еўрапейскай ваеннай справы з XIV і да канца XVII стагоддзя, - расказалі арганізатары. - Адначасова праект не столькі пра зброю і рыцарскія даспехі, колькі пра любоў да гісторыі і яе ўвасабленне".

Наведвальнікі могуць убачыць эвалюцыю амуніцыі ад простых пласціністых да высокатэхналагічных суцэльнаметалічных даспехаў. На выстаўцы экспануюцца мячы, баявыя сякеры, кінжалы, шчыты, а таксама характэрныя для тэрыторыі Беларусі корды, шлемы бацынеты, кальчугі, кірасы і інш.

"Выставачны праект дэманструе таксама працэс вырабу ўсіх прадметаў. Каб дакладна рэканструяваць любую эпоху, трэба спачатку асвоіць актуальную для яе тэхналогію. Кувалда, мяхі, кавальскі горан, клешчы, долата, молаты ў рамках выстаўкі аб'яднаны ў стылізаванай "кавальскай майстэрні". Гэтыя інструменты выраблены па аўтэнтычных крыніцах розных эпох, аднаўляючы эвалюцыю кавальскага рамяства на беларускіх землях, а менавіта ад самых простых спосабаў арганізацыі беларускай кавальскай справы да з'яўлення на тэрыторыі краіны цэхавых аб'яднанняў", - дадалі ва ўстанове.

Экспанаты, прадстаўленыя на выстаўцы, створаны рэканструктарам Юрыем Усціновічам і кавалём Дзмітрыем Андрэевым.

Выстаўка прадоўжыцца да 15 чэрвеня.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі