ДЗЯРЖОРГАНЫДЗЯРЖОРГАНЫ
Чацвер, 21 студзеня 2021
Мінск Суцэльная воблачнасць 0°C
Усе навіны
Усе навіны
Культура
30 кастрычніка 2020, 10:38

Ёлачныя цацкі з розных краін свету прадставяць у Нацыянальным гістарычным музеі

Фота з архіва
Фота з архіва

30 кастрычніка, Мінск /Кар. БЕЛТА/. Навагодні выставачны праект "Музей ёлачных цацак" адкрыецца 7 лістапада ў Нацыянальным гістарычным музеі Беларусі, расказалі БЕЛТА арганізатары.

Выстава з'яўляецца часткай збору буйнейшай сусветнай калекцыі ёлачных цацак. Штогод "Музей ёлачных цацак" папаўняе свае фонды. Наведвальнікі ўбачаць экспанаты з Еўропы, Азіі, Аўстраліі, Амерыкі і Афрыкі, аналагаў якім няма ні ў адным еўрапейскім музеі.

"У чаканні навагодніх свят і зімовага чараўніцтва кожнае дзіця зможа акунуцца ў чароўную казку, а дарослы - вярнуцца ў далёкае дзяцінства. Выстава раскажа пра гісторыю вытворчасці шкляных ёлачных цацак з сярэдзіны XIX стагоддзя да нашых дзён і азнаёміць з традыцыямі навагодніх свят розных краін, у тым ліку Конга, Перу, Інданезіі, Новай Зеландыі, Паўночнай Карэі", - расказалі ў музеі.

Праект створаны сумесна з фабрыкай ёлачных цацак "ГРАЙ". Госці музея змогуць даведацца пра ўсе сакрэты вытворчасці навагодніх упрыгажэнняў на адзінай у Беларусі фабрыцы ёлачных цацак, а таксама пад кіраўніцтвам мастакоў прадпрыемства прайсці адукацыйныя майстар-класы па вырабе ёлачных цацак. Для самых маленькіх гасцей арганізатары падрыхтавалі для паказу мініяцюрны інтэрактыўны калядны гарадок.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі