5 мая, Мінск /Кар. БЕЛТА/. Экзэмпляр рэдкай кнігі "Вялікае майстэрства артылерыі" падораць парку гісторыі "Вялікае княства Сула", паведамілі БЕЛТА ў парку.
Урачыстая цырымонія перадачы каштоўнага выдання адбудзецца 6 мая. На мерапрыемства запрошаны прадстаўнікі мясцовых органаў дзяржаўнага кіравання, Інстытута мовазнаўства імя Якуба Коласа, аддзела рэдкай кнігі Нацыянальнай бібліятэкі, Пастаяннай камісіі па адукацыі, культуры і навуцы Палаты прадстаўнікоў, вучоныя-гісторыкі цэнтральнай навуковай бібліятэкі Акадэміі навук, старшыня Ігар Марзалюк.
Аўтар кнігі Казімір Семяновіч - тэарэтык артылерыі, ваенны інжынер, якога лічаць вынаходцам прататыпу шматступеньчатай ракеты. У 1650 годзе ў Амстэрдаме ён выдаў трактат "Вялікае майстэрства артылерыі", які ў выніку стаў адной з важнейшых у Еўропе навуковых работ па артылерыі і піратэхніцы.-0-
