9 лістапада, Мінск /Кар. БЕЛТА/. Даволі шмат кінематаграфістаў з Кітая чулі пра Мінскі міжнародны кінафестываль "Лістапад", паведаміла карэспандэнту БЕЛТА член журы асноўнага конкурсу ігравога кіно фестывалю Ван Сяомэн.
Яна расказала, што ў кінафестывалі ўдзельнічае не ўпершыню. "Для мяне гэта не першая сустрэча з кінафестывалем. У мінулым годзе я ўжо мела гонар удзельнічаць і прадстаўляць Кітай на гэтым фестывалі. Хачу адзначыць, што даволі шмат кінематаграфістаў з Кітая чулі пра фестываль. Мы са свайго боку робім усё магчымае, каб папулярызаваць яго на тэрыторыі Кітая. Таму, думаю, у наступным годзе фестываль пройдзе яшчэ пры большым удзеле кітайскіх кінематаграфістаў", - адзначыла Ван Сяомэн.
Паводле яе слоў, у мінулым годзе кітайская актрыса У Яньшу атрымала прыз за лепшую жаночую ролю, які быў перададзены ёй Кітайскай асацыяцыяй кінематаграфістаў. Яна здымалася ў фільме "Дарога дадому". І калі актрыса, якой, дарэчы, больш за 80 гадоў, пачула пра ўзнагароду на кінафестывалі "Лістапад", яна была вельмі кранута такім нечаканым сюрпрызам.
На палях XXVIII Мінскага міжнароднага кінафестывалю "Лістапад" 6 лістапада ў "Доме кіно" праходзіў Дзень кітайскага кіно.-0-
