Сцяг Аўторак, 19 сакавіка 2024
Усе навіны
Усе навіны
Культура
14 лютага 2022, 12:21

Эксклюзіўны музычны праект да Дня закаханых падрыхтавала Гомельская абласная філармонія

14 лютага, Гомель /Кар. БЕЛТА/. Эксклюзіўны музычны праект "Мужчынскае/жаночае" да Дня закаханых падрыхтавала Гомельская абласная філармонія, паведамілі БЕЛТА ў філармоніі.

Музычныя прызнанні ў каханні будуць гучаць сёння ў гарадскім цэнтры культуры. Эксклюзіўны музычны праект артысты эстрадна-сімфанічнага аркестра імя Юрыя Васілеўскага пад кіраўніцтвам Станіслава Шныра падрыхтавалі для паклоннікаў. "Свае пачуцці можна перадаць па-рознаму, і музыка - адзін з самых прыгожых спосабаў зрабіць гэта. Самыя цудоўныя музычныя гісторыі пра каханне і пачуцці паміж мужчынам і жанчынай будуць радаваць і натхняць, паглыбляць у роздумы і несці ўвысь. Многім прысутным у зале прадставіцца магчымасць выйсці на сцэну і здзівіць усіх гледачоў. А вось чым, даведаецеся на канцэрце", - расказалі ў філармоніі.

Гледачы змогуць паглыбіцца ў рамантычную атмасферу вечара, адчуць, што агульнага паміж мужчынам і жанчынай, у чым іх процілегласці. Прафесійныя музыканты раскажуць, што за сіла прымушае сэрцы людзей біцца ва ўнісон, здольна ажывіць, натхніць тых, хто ўжо безнадзейна расчараваны, і акрыліць тых, хто раней баяўся лётаць.

Арганізатары ўпэўнены: праграма "Мужчынскае/жаночае" сумнай быць не можа. Прадугледжаны свабодныя стасункі дырыжора з публікай. Да таго ж і свабодныя паводзіны гледачоў на сцэне ператвораць канцэрт у незвычайнае шоу. Пачатак у 18.30.-0-

Падпісвайцеся на нас у
Twitter
Топ-навіны
Свежыя навіны Беларусі