Мабільная версія
ДЗЯРЖОРГАНЫ

Апошнія навіны
У Брэсце адкрылі помнік Пушкіну
11 Кастрычнік, 17:46 Культура
Усе навіны

Дзяржаўны камерны аркестр Беларусі адкрые сезон музыкай Вайнберга, Падгайца і Бетховена

Культура 16.09.2019 | 16:26
Яўген Бушкоў і Дзяржаўны камерны аркестр Беларусі. Фота з архіва
Яўген Бушкоў і Дзяржаўны камерны аркестр Беларусі. Фота з архіва

16 верасня, Мінск /Кар. БЕЛТА/. Дзяржаўны камерны аркестр Беларусі пад кіраўніцтвам заслужанага артыста Расіі Яўгена Бушкова адкрые свой сезон 19 верасня вялікім канцэртам, прысвечаным 100-годдзю з дня нараджэння вядомага савецкага кампазітара і піяніста Майсея (Мечыслава) Вайнберга. Аб гэтым паведамілі БЕЛТА ў Белдзяржфілармоніі.

"У праграме будуць прадстаўлены абсалютна новыя для аркестра творы, што для калектыву з 52-гадовай гісторыяй з'яўляецца значнай падзеяй. Сэнсавым цэнтрам праграмы стане сімфонія нумар 10 Мечыслава Вайнберга. У гэтым годзе адзначаецца 100 гадоў з дня яго нараджэння, - расказалі ў філармоніі. - Цікава і тое, што год стварэння сімфоніі - 1968-ы - супадае з годам заснавання Дзяржаўнага камернага аркестра. Сімфонія была напісана для 17 музыкантаў Маскоўскага камернага аркестра пад кіраўніцтвам Рудольфа Баршая і прысвечана ім жа. Легендарнаму Рудольфу Баршаю ў бягучым годзе споўнілася б 95 гадоў, што таксама знойдзе адлюстраванне ў праграме: аркестр упершыню прадставіць яго апрацоўку 10-га струннага квартэта Людвіга ван Бетховена".

У пачатку канцэрта прагучыць сусветная прэм'ера Concerto Brevis маскоўскага кампазітара Яфрэма Падгайца для скрыпкі, віяланчэлі і фартэпіяна з камерным аркестрам, напісанага ў якасці музычнага падарунка да юбілею Яўгена Бушкова. У гэтым сачыненні не толькі зашыфраваны музычныя ініцыялы дырыжора (EB - мі-сі-бемоль), але і змешчаны фрагменты некалькіх твораў, якія яму давялося выконваць за гады творчага супрацоўніцтва з кампазітарам. Як адзначыў сам дырыжор, ён вельмі ганарыцца тым, што салістамі ў гэтай прэм'еры выступяць музыканты-віртуозы Дзяржаўнага камернага аркестра Марына Рамейка (фартэпіяна), Павел Бацян (скрыпка) і Аляксандр Сердзюкоў (віяланчэль).

"Будучы сезон для аркестра па-свойму юбілейны: спаўняецца 10 гадоў з таго моманту, як на пасаду мастацкага кіраўніка быў запрошаны заслужаны артыст Расіі Яўген Бушкоў, - адзначылі ў Белдзяржфілармоніі. - Паказальна, што дзесяцігоддзе творчага супрацоўніцтва ўвянчалася знамянальнай падзеяй: у пачатку жніўня быў выпушчаны кампакт-дыск аркестра на прэстыжным брытанскім лейбле "Шандос Рэкордс" з музыкай канадска-расійскага кампазітара Айрата Ішмуратава, які даверыў Дзяржаўнаму камернаму аркестру запіс свайго першага аўтарскага дыска. І, мяркуючы па ўжо існуючых водзывах у Еўропе, калектыў апраўдаў гэты давер таму, што прафесійныя музыканты і крытыкі адзначылі высокі ўзровень яго выканальніцкага майстэрства".

Другі канцэрт аркестра пройдзе 12 лютага 2020 года і будзе прымеркаваны да 180-годдзя з дня нараджэння аднаго з вялікіх класічных кампазітараў - Пятра Чайкоўскага. Трэці канцэрт завершыць сезон аркестра 28 мая 2020 года і будзе прысвечаны 210-годдзю Фрыдэрыка Шапэна.-0-

Версія для друку
Навіны рубрыкі Культура
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь - Туркменістан: гандлёва-эканамічнае супрацоўніцтва Туркменістан з'яўляецца адным са стратэгічных партнёраў Беларусі ў Цэнтральнай Азіі. Дыпламатычныя адносіны паміж краінамі ўсталяваны 21 студзеня 1993 года.