9 верасня, Мінск /Кар. БЕЛТА/. Дзіцячае "Еўрабачанне-2020" пройдзе ў анлайн-фармаце. Аб гэтым расказалі ў эфіры тэлеканала "Беларусь 1", паведамляе БЕЛТА.
"Дзіцячы конкурс песні "Еўрабачанне-2020" адбудзецца ў новым фармаце. У сувязі з эпідэмічнай абстаноўкай у свеце міжнародны форум пройдзе ў форме стрыму. Каб абараніць здароўе артыстаў і гарантаваць іх удзел, конкурс пройдзе ў бяспечным фармаце, усе песні дэлегатаў будуць прадстаўлены ў студыі кожнай краіны-ўдзельніцы, - гаворыцца ў афіцыйным паведамленні ЕВС. Хутка кампаніі-вяшчальнікі атрымаюць падрабязныя інструкцыі, як падрыхтаваць відэа свайго артыста ў новых умовах", - адзначылі ў эфіры "Беларусь 1".
Свой удзел у песенным конкурсе пацвердзілі 13 краін, у тым ліку Беларусь. У сувязі з заявай ЕВС, фармат удзелу Белтэлерадыёкампаніі будзе вызначаны ў бліжэйшы час.-0-
